Денеска се празнува Светата преподобна Теодора од Александрија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светата преподобна Теодора од Александрија

24 септември 2025

• од Станча Јаќимовски

Православната црква денес ја чествува преподобната Теодора од Александрија, голема подвижничка и покајничка од V век, чиј живот е пример за смирение, трпение и искрено покајание.

Од грев кон покајание

Теодора била млада жена, сопруга на угледен маж во Александрија. Под влијание на една бајачка, паднала во грев на прељуба. Веднаш потоа совеста силно ја измачувала и не ѝ давала мир. Во потрага по спасение, таа си ја отсекла косата, облекла машка облека и под името „Теодор“ се замонашила во машкиот манастир Октодекат.

Нејзиниот подвиг бил голем – пост, молитва, бдеење и длабоко смирение. Сите монаси биле восхитени од нејзината духовна ревност, без да знаат дека зад машкиот лик се крие жена.

Неправедна клевета и изгнанство

Една блудна девица ја наклеветила дека ја обесчестила и дека од тоа останала бремена. Иако невина, Теодора не се оправдувала – ја примила клеветата како Божја казна за нејзиниот претходен грев. Била избркана од манастирот и цели седум години живеела во пустина и шума, носејќи го и одгледувајќи го детето на таа девица.

Во тоа време поднесувала страшни искушенија: се јавувале демонски привиди што ја терале да се откаже од подвигот, но таа секогаш се крстела и со силата Божја ги победувала.

Враќање и упокојување

По седум години игуменот ја вратил во манастирот, каде што поживеала уште две години. Таму се упокоила во Господа во 490 година. Дури по нејзината смрт браќата дознале дека нивниот брат Теодор всушност била жена.

Ангел Господов му открил на игуменот за светоста на нејзиниот подвиг. На нејзиниот погреб дошол и сопругот, кој до крајот на својот живот останал во манастирот, живеејќи во келијата на својата сопруга.