Денеска се празнува: Свети Андреј Јуродив

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува: Свети Андреј Јуродив

15 октомври 2025

• од Станча Јаќимовски

Свети Андреј Јуродив бил по потекло Словен. Во времето на византискиот цар Лав Мудриот, синот на цар Василиј Македонец, младиот Андреј бил продаден како роб на богат човек по име Теогност во Цариград. Теогност го засака своето момче поради неговата чиста душа и убаво срце, па се погрижи да го описмени и да го научи на добродетел. Андреј со голема љубов се молел на Бога и редовно ги посетувал црковните богослужби.

Една ноќ му се јавило небесно видение кое го повикало да го прифати подвигот на јуродството заради Христа – да се претстави како безумен за да ја победи гордоста и да се смири пред Бога. Послушен на овој небесен повик, Андреј ја искинал својата облека и почнал да се однесува како луд. Неговиот господар, мислејќи дека навистина полудел, го врзал и го одвел во црквата на Света Анастасија Одврзителка за молитва. Но, кога не се „поправил“, Теогност го ослободил да живее како безумен на улиците на Цариград.

Подвиг и благодат

Свети Андреј живеел во сиромаштија и постојан подвиг. Дење се преправал дека е безумен, а ноќе се молел на Бога со солзи. Немал дом, ноќеваше под отворено небо, одеше полугол и гладен, но неговото срце гореше со небесна љубов. Од сето што ќе добиел од милосрдни луѓе, најчесто им делел на другите сиромаси. Дури и кога давал, ги прекорувал, за тие да не му благодаруваат – затоа што наградата ја очекувал само од Бога.

Бог го дарувал со голема благодат. Свети Андреј имал дар на прозорливост – ги гледал човечките тајни, ги видел ангелите и демоните, и со сила од Бога ги изгонуваше нечистите духови. Ги поучувал луѓето да се одвратат од гревот и да живеат во покајание.

Небесни виденија

Најпознато е неговото видение во Влахернската црква, кога заедно со својот ученик Епифаниј ја видел Пресвета Богородица како го покрива христијанскиот народ со Својата чесна одежда. Тоа чудесно видение станало основа за празникот Покров на Пресвета Богородица, кој и денес се празнува во православната Црква.

Свети Андреј ги видел и рајските убавини и славата на Господ Христос седнат на престолот. Слушнал небесни зборови што не смеел да ги повтори на луѓето.

По долги години на подвиг и страдање, Свети Андреј се упокоил во 911 година, примајќи од Бога вечна слава.

Тропар на Свети Андреј Јуродив

Гласот на твојот апостол Павле услишувајќи го – ние јуродствуваме заради Христа –
твојот слуга Андреј беше јуродив на земјата заради Тебе, Христе Боже.
Затоа сега славејќи го неговиот спомен,
Ти се молиме Тебе, Господи, спаси ги нашите души.