Денеска се празнува Свети Евмениј, епископ Гортински на Крит

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Свети Евмениј, епископ Гортински на Крит

01 октомври 2025

• од Станча Јаќимовски

Свети Евмениј, чиј спомен денеска го чествува Православната црква, е епископот Гортински од Крит, човек кој уште од младоста сесрдно тргнал по патот Христов. Неговиот живот е сведоштво за откажување, пост, милосрдие и чудотворство, што го вбројува меѓу светлите примери на пастири на Христовото стадо.

Живот исполнет со жртва и добродетел

Од најрана возраст, Свети Евмениј се ослободил од двете најголеми бремиња на човекот – од богатството и од телесните страсти. Својот имот несебично го раздал на бедните и сиромашните, а преку строг пост го победил телото. На тој начин најпрво се исцелил себеси, а потоа, облагодатен од Светиот Дух, започнал да им дава исцеление и на другите.

Исполнет со бестрастие и духовна светлина, тој не можел да остане сокриен од светот, исто како што, според евангелските зборови, „не може да се сокрие град на врв планина“ (Матеј 5,14).

Доброто пастирство

Како епископ на Гортин, Свети Евмениј со љубов и ревност го управувал Христовото стадо. Тој бил вистински татко на сираците, богатство за сиромашните, утеха за нажалените и исцелител на болните. Со својата молитва и вера вршел бројни чуда: умртвил опасна змија, изгонував демони, исцелувал болни и носел утеха на страдалниците.

Неговото чудотворство не било ограничено само на Крит – дејствувал и во Рим и во Тиваида. Во време на суша во Тиваида, со молитва испросил дожд од Бога, спасувајќи го народот од големи маки.

Крајот на неговиот земен пат

Својот благословен живот Свети Евмениј го завршил во Тиваида, каде што и се преселил во вечните живеалишта на Господ. Тој живеел и дејствувал во 7. век, оставајќи зад себе лик на вистински пастир, милосрден чудотворец и светител достоен за почит и следење.