Денеска се празнува Светиот маченик Лонгин

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот маченик Лонгин

29 октомври 2025

• од Станча Јаќимовски

Денеска православните верници го чествуваат споменот на Светиот маченик Лонгин, стотникот што го препозна Христос како Син Божји при Неговото распнување и кој со својата вера и живот сведочеше за Воскресението Господово.

Лонгин – сведок на Христовите страдања и Воскресение

Според сведоштвото на евангелистот Матеј, при Христовото страдање на Голгота, „стотникот и оние што заедно со него Го чуваа Исуса, откако го видоа земјотресот и сè друго што стана, се уплашија многу и говореа: ‘Навистина овој бил Син Божји’“ (Матеј 27, 54).
Тој стотник бил токму блажениот Лонгин, старешина на римските војници кои присуствувале на распнувањето и чувале стража крај Христовиот гроб.

Од војник до проповедник на вистината

Кога еврејските старешини дознале за Христовото воскресение, се обиделе со поткуп да ги натераат војниците да шират лажна вест дека учениците Го украле телото. Но, Лонгин одбил да учествува во таа измама. Тогаш, откако дознал дека му се подготвува смрт, го напуштил Јерусалим, се крстил од апостолите заедно со уште двајца свои војници и се повлекол во Кападокија.

Таму, Лонгин живеел во пост и молитва, сведочејќи пред народот за Христовото Воскресение и обраќајќи мнозина незнабошци кон вистинската вера. Потоа се повлекол на имотот на својот татко, каде што продолжил да го проповеда Евангелието.

Маченичка смрт за Христа

Еврејските клевети не престанале ни таму. Поради нив, Пилат испратил војници да го убијат Лонгин. Светецот, просветлен со духот, ја предвидел својата смрт и со мир во срцето ги пречекал своите џелати.
Ги нагостил, им дал одмор, а цела ноќ ја поминал во молитва и подготовка за последниот миг. Наутро ги довел своите двајца сопатници, им оставил поука на домашните и им покажал каде да ги погребат телата.

Кога им се открил на војниците дека токму тој е оној што го бараат, тие се поколебале, но по негово инсистирање ја извршиле заповедта. Така Свети Лонгин и неговите двајца другари ја запечатиле својата вера со маченичка смрт.
Главата на Лонгин била однесена кај Пилат, кој ја предал на Евреите, а тие ја фрлиле на ѓубриштето надвор од градот.

Спомен и почит

Светиот маченик Лонгин останува пример на непоколеблива вера, храброст и вистинско сведоштво за Христа. Неговото име се врежало во историјата на Црквата како симбол на војник што од сведок на страдањето станал проповедник на Воскресението и вистината Божја.