Денеска се празнува Светиот маченик Созонт

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот маченик Созонт

20 септември 2025

• од Станча Јаќимовски

Светиот маченик Созонт потекнувал од Ликаонија и по својата природа бил скромен овчар. Сепак, неговиот живот бил исполнет со силна вера и доследност на Божјиот закон. Тој ги поучувал своите врсници и пријатели во благочестието и уште од рана возраст бил познат по својата чистота и преданост кон Христа. Според предание, преку едно видение му било откриено дека ќе пострада маченички заради својата вера.

Во времето кога живеел, започнало жестоко гонење на христијаните во градот Помпеопол, под водство на управителот киликиски Максимијан. Во градот постоел голем златен идол кому незнабошците му принесувале поклонение. Созонт, воден од ревноста за верата, ги оставил овците и влегол во незнабожечкиот храм. Таму му ја скршил раката на златниот идол, ја раздробил и деловите им ги раздал на сиромасите. Овој чин предизвикал голема вознемиреност меѓу незнабошците, кои веднаш започнале да го бараат виновникот.

Созонт, за да не пострада некој друг поради неговото дело, доброволно се пријавил кај управителот и изјавил дека тој е христијанин и извршител на тоа дело. Тогаш започнало неговото мачеништво: најпрво бил жестоко тепан, потоа обесен на дрво и струган со железни четки. На крајот, полумртов бил фрлен на оган, каде што ја предал својата душа на Бога. Неговото страдање се случило околу 304 година.

По неговата смрт, моштите на свети Созонт се покажале чудотворни, а над нив бил подигнат храм посветен на него. Денес верниците го слават како пример за непоколеблива вера, жртвување и љубов кон Бога.