Денеска се празнува Светиот пророк Авакум

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот пророк Авакум

15 декември 2025

• од Станча Јаќимовски

Денес православната црква го празнува споменот на Светиот пророк Авакум, еден од старозаветните пророци, чиј живот и дело оставиле длабока трага во библиската историја и духовната традиција на христијанството.

Светиот пророк Авакум бил син на Асафат, од племето Симеоново. Тој пророкувал околу 600 години пред Христовото раѓање, во времето на јудејскиот цар Манасија. Неговата пророчка мисија била обележана со тешки и судбоносни навестувања за народот, меѓу кои и пророштвото за опустошувањето на Ерусалим поради отстапувањето од Божјите заповеди.

Кога вавилонскиот цар Навуходоносор го нападнал и го освоил Ерусалим, Авакум се засолнил во Исмаилската земја. По извесно време повторно се вратил во својата татковина и продолжил да живее скромно, како земјоделец, далеку од дворците и политичките превирања, но близу до народот и секојдневниот живот.

Еден од највпечатливите настани поврзани со неговиот живот е чудото опишано во Книгата на пророк Даниил. Додека Авакум им носел ручек на работниците на нива, му се јавил Ангел Господов со заповед да го однесе истиот ручек во Вавилон, кај пророкот Даниил, кој бил фрлен во лавовската јама поради тоа што одбил да им се поклони на идолите. Зачуден, Авакум одговорил дека никогаш не бил во Вавилон и не знае каде се наоѓа јамата. Но, по Божја волја, Ангелот го зел за косата и во миг го пренел на огромна далечина, право до лавовската јама. Таму Авакум извикал: „Данииле, Данииле, прими го ручекот што ти го праќа Бог!“. Даниил ја примил храната, се поткрепил, а потоа Авакум бил повторно вратен на својата нива во Јудеја.

Освен за судот над Ерусалим, Светиот пророк Авакум пророкувал и за неговото идно ослободување, како и за времето на доаѓањето на Христа. Неговите пророштва се исполнети со надеж, вера и длабока духовна порака за Божјата правда и милост.

Светиот пророк Авакум се упокоил во длабока старост. Бил погребан во местото Кела, а неговите мошти биле откриени во времето на царот Теодосиј Велики, што дополнително го потврдило неговото значење и почитта што црквата ја има кон него.

Празникот на Светиот пророк Авакум нè потсетува на силата на верата, на послушноста кон Божјата волја и на надежта дека, и во најтешките времиња, Божјата промисла никогаш не го напушта човекот.