Денеска се празнува Светиот пророк Мојсеј Боговидец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот пророк Мојсеј Боговидец

17 септември 2025

• од Станча Јаќимовски

Денеска Светата Црква го празнува споменот на Светиот пророк Мојсеј Боговидец – големиот водач и законодавец на израилскиот народ, кој со својот живот и дело оставил неизбришлива трага во историјата на спасението.

Живот и дело

Мојсеј е роден во Египет околу 1550 година пред Христа, во време кога Израилците страдале под тешко ропство. Промислата Божја го поставила како спасител на својот народ. Првите четириесет години од животот ги поминал во дворецот на египетскиот фараон, каде се воспитувал и стекнувал мудрост.

Следните четириесет години ги проживеал како пастир, во молитвено смирение и созерцание на Бога и на светот. Токму во тој период Господ го повикал да го изведе избраниот народ од Египет и да го води кон Ветената Земја. Последните четириесет години од својот живот Мојсеј го посветил на оваа мисија – водејќи го народот низ пустината, по пат исполнет со искушенија, чуда и откровенија.

Иако ја виде Ветената Земја, самиот не влезе во неа, зашто, како што сведочи Светото Писмо, во едно згреши пред Бога (4Мој. 20,12). Се упокои во сто и дваесеттата година од својот живот.

Духовно значење

Свети Василиј Велики го нарекува Мојсеј чудотворец и предобраз на Христа. Тој ја предвиде и најави вистинската Светлина – Господ Исус Христос. На гората Тавор, при Преображението Господово, Мојсеј се јави заедно со пророкот Илија, сведочејќи за исполнувањето на Законот и Пророците во Христос.

Согласно сведоштвото на Свети Јован Лествичник, Мојсеј и по своето упокојување им се јавувал на монасите во Синајскиот манастир, како жив пример за молитвен подвиг и за Божјото присуство.

Поука

Животот на Свети Мојсеј Боговидец е силен пример на вера, смирение и послушание кон Божјата волја. Тој останува учител за сите генерации – како водач што не се потпрел на својата сила, туку целосно се предал на Божјата промисла.