Денеска се слави: Зачнувањето на Свети Јован Крстител

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се слави: Зачнувањето на Свети Јован Крстител

06 октомври 2025

• од Станча Јаќимовски

На 6 октомври, го одбележуваме големиот празник Зачнувањето на Свети Јован Крстител. Овој ден претставува прослава на милоста, чудото и мудроста Божја, покажани кон побожните и праведни родители на светецот – старецот Захарија и старицата Елисавета.

Тие, иако во поодминати години, со вера и смирение го молеле Бога да им подари дете. Нивната молитва била услишена, а зачнувањето на Јован во престарената утроба на Елисавета стана сведоштво за божественото чудо и доказ дека пред силата на Семоќниот нема природни ограничувања.

Божјиот план за Спасението

Зачнувањето на Свети Јован Крстител не било случајно. Тоа било дел од Божјиот домострој на спасението на човештвото. Бог имал извонредни намери со овој светец – да биде Пророк и Предвесник на Господ Исус Христос, оној кој ќе го подготви патот за доаѓањето на Спасителот.

Во Светото Писмо се потсетуваме дека Бог преку ангели го објавувал раѓањето на оние личности преку кои ќе се открива Неговата волја – како што бил случај со Исак, роден од бездетната Сара, и Самсон, роден од Маној и неговата жена. На ист начин, преку ангел, била објавена радосната вест за зачнувањето на Јован Крстител.

Тајната на чудото

Многумина се прашуваат како можеа да се родат деца од стари родители. Но, како што велат светите отци, ова не е прашање за природните закони, туку за силата на Семоќниот Бог, Кој од ништо го создаде светот и без родители го создаде првиот човек, Адам.

Наместо љубопитност, треба да Му воздадеме пофалба и благодарност на Бога, Кој и денес, како и во древни времиња, ни ја открива Својата моќ, милост и мудрост. Преку таквите чуда, Бог ги зацврстува верата и надежта на луѓето, потсетувајќи нè дека со Него ништо не е невозможно.