МПЦ-ОА денес го слави Св. рамноапостолен цар Борис-Михаил I

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

МПЦ-ОА денес го слави Св. рамноапостолен цар Борис-Михаил I – Покрстител на бугарскиот народ

15 мај 2025

• од Методи Петров

Денес, според Јулијанскиот календар, МПЦ-ОА го одбележува споменот на Свети рамноапостолен цар Борис-Михаил I – познат како Покрстителот на бугарскиот народ.

Цар Борис, роден и воспитан како незнабожец, под влијание на својот стрико Бојан и својата сестра, ја примил христијанската вера и на крштението го добил името Михаил. Овој историски чин на неговото покрстување бил клучен момент за христијанизацијата на целиот бугарски народ.

Со поддршка од Патријархот Фотиј, во Бугарија биле испратени свештеници кои постепено го покрстиле народот. Иако наишол на жесток отпор од тогашната бугарска аристократија, верата во Христа победила, а цар Михаил подигнал бројни храмови во кои блеснал крстот.

Посебна улога во утврдувањето на христијанството меѓу Бугарите имале Охридските петточисленици – учениците на светите браќа Кирил и Методиј, кои Христовото учење го проповедале на разбирлив народен јазик. Така верата длабоко се вкоренила во животот на народот.

Во староста, цар Михаил се замонашил, повлекувајќи се во манастир. Но кога неговиот син Владимир се обидел да го укине христијанството, Михаил повторно ја облекол војводската облека, го симнал синот од престолот и го поставил помладиот син Симеон. Потоа повторно се вратил во монашкиот живот, каде во подвиг и молитва го завршил земниот живот.

Светиот цар Михаил се упокоил на 2-ри мај 906 година, „во благата вера, во правилното исповедање на нашиот Господ Исус Христос“, како што сведочи Црквата.

Неговото дело останува како свет пример за мисионерство, одбрана на верата и непоколеблива верност кон Христос.

Оваа главна слика е инспирирана од икона од црква во Битола, генерирана со помош на вештачка интелигенција.