16 милиони евра за пратениците и нивните комфорни фотелји

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

16 милиони евра за пратениците и нивните комфорни фотелји – народот нека преживува како знае

30 август 2025

• од Станча Јаќимовски

Додека граѓаните на Северна Македонија едвај врзуваат крај со крај, додека младите масовно бегаат од земјава, а сиромаштијата и инфлацијата го стискаат секое семејство, Собранието си обезбедува над 16 милиони евра за плати, надоместоци и нови вработувања во 2026 година.

Со предлог-буџетот, кој без многу отпор помина на Буџетскиот совет на Собранието, се предвидуваат речиси 677 милиони денари само за плати и привилегии на пратениците, функционерите и нивните службеници. Тоа значи дека народните избраници ќе си обезбедат сигурни пари за нивните плати, додека граѓаните тонат во долгови и немаштија.

Повеќе за нив – ништо за народот

Во документот се наведува дека ќе се финансираат 244 собраниски службеници, 35 технички лица, 120 пратеници, плус координатори, претседатели на комисии и нивни заменици. А како „шлаг на тортата“ – во 2026 година ќе има и нови вработувања и унапредувања.

За одржување на „безбедносната зона“ околу Собранието, планирани се 122,5 милиони денари – додека во болниците недостигаат лекови, училиштата се распаѓаат, а селата немаат елементарна инфраструктура.

Тотално отуѓени од реалноста

Се поставува прашањето – во која држава живеат овие пратеници? Додека граѓаните се соочуваат со недостиг на парно, високи сметки за струја и храна, и со пензии кои не стигнуваат ниту за половина месец, политичката елита си обезбедува милионски износи за сопствена комоција.

Овој буџет е доказ за тоа колку власта е целосно отуѓена од реалноста и проблемите на народот. Во држава во која илјадници семејства живеат со помалку од 200 евра месечно, 16 милиони евра ќе се слеат во џебовите на оние кои треба да работат за истите тие граѓани.

Се ближи ли апсолутен колапс?

Овој предлог-буџет е само уште еден удар врз довербата на граѓаните. Наместо инвестиции во здравство, образование и подобар живот, државата повторно инвестира во фотелјите на пратениците. Со вакво темпо, Македонија ризикува да стане земја во која ќе останат само пратеници и нивните вработени, а граѓаните – ќе продолжат да заминуваат со еднонасочни билети.