200.000 денари годишно за дете – школото е „бесплатно“, но родителството чини скапо

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

200.000 денари годишно за дете – школото е „бесплатно“, но родителството чини скапо

03 декември 2025

• од Станча Јаќимовски

Растењето и грижата за едно дете во Македонија ги чини родителите од 150 до 200 илјади денари годишно, односно околу 12.000 до 16.000 денари месечно. Станува збор за трошоци за основно живеење, покажува истражувањето на Центарот за еднаквост и правда, кое опфати 650 родители со деца од различни возрасти.

Поголеми трошоци за најмалите и тинејџерите

Според професорката и истражувач Катарина Шапкова-Коцевска, истражувањето покажало дека трошоците се највисоки за семејствата со мали деца и тинејџери.

„Она што го заклучивме преку нашето истражување е во согласност со резултатите и од други држави – највисоки се трошоците за најмладите и најстарите деца. Тоа значи дека семејствата со бебиња и тинејџери имаат најголема потреба од финансиски ресурси за да обезбедат квалитетен живот, пристап до образование и други детски услуги“, изјави Шапкова-Коцевска.

„Бесплатното“ образование крие скриени трошоци

Иако образованието во Македонија официјално е бесплатно, анализата покажува дека родителите сепак се соочуваат со значајни дополнителни трошоци.

„Истражувањето покажа дека за услугите што државата ги декларира како бесплатни – како што е школувањето – сепак има скриени трошоци. Се плаќаат униформи, учебници, хигиенски материјали за градинките и слично. Родителите се принудени да покриваат овие трошоци иако формално се водат како бесплатни“, истакна Неда Чаловска-Димовска од Центарот за еднаквост и правда.

Недоволна државна поддршка за семејствата

Родителите кои учествувале во анкетата истакнале дека државната поддршка не е доволна за одгледување на деца, особено кога станува збор за семејства со две или повеќе деца. Во тие случаи, се зголемува ризикот од сиромаштија.

Поради тоа, од Центарот за еднаквост и правда повикуваат државата сериозно да се ангажира во креирањето на соодветни демографски политики и да ги ревидира постојните програми за поддршка на семејствата.