477 фирми изгубија лиценци за градежни работи и урбанистичко планирање

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

477 фирми изгубија лиценци за градежни работи и урбанистичко планирање

26 март 2025

• од Гоце Кически

Министерството за транспорт на Република Северна Македонија ја објави листата на правни лица на кои им се одземени лиценците за градежно работење и урбанистичко планирање. Вкупно 479 фирми од земјава престанале да ги исполнуваат законските услови на кои им биле издадени лиценците. Овие лиценци вклучуваат А и Б лиценци за изведувач на градби од прва и втора категорија, за проектирање на градби од прва и втора категорија, за надзор на изградбата на градби, како и лиценци за изработка на урбанистички планови и ревизија на проектни документации.

Според Министерството за транспорт, во тек на контролата се проверени вкупно 3.100 лиценци во земјата, при што беа откриени прекршувања на законските норми.

Како што информира порталот Дрнка МК, во регионот на Југоистокот, лиценците ќе им бидат одземени на 15 фирми. Најголем број фирми се од Струмица, каде што дури 7 фирми ќе се соочат со губење на лиценците. Од општината Струмица, една фирма ќе ја загуби лиценцата за изработка на урбанистички планови, три фирми ќе ја изгубат лиценцата за изведување градби од втора категорија, две за проектирање на градби од втора категорија, а една фирма ќе ја изгуби лиценцата за надзор на изградбата на градби од втора категорија.

Во општина Гевгелија, пак, 4 фирми ќе останат без лиценци. Од нив, една фирма ќе ја загуби лиценцата за изведување градби од прва категорија, додека три фирми ќе ја изгубат лиценцата за изведување градби од втора категорија.

Во останатите општини, во Радовиш ќе бидат одземени лиценци на две фирми за градежно работење, додека по една фирма ќе ги изгуби лиценците во Валандово и Дојран, кои се специјализирани за изведба и проектирање на градби од втора категорија.

Министерството за транспорт продолжува со контроли и апелира до сите учесници на пазарот да ги почитуваат законските норми и да се придржуваат кон стандардите за безбедност и квалитет при градежните активности.