29 септември 2025
• од Станча Јаќимовски
Во периодот од 1 април до 29 септември годинава на територијата на Македонија се регистрирани вкупно 2.080 пожари на отворен простор, соопшти Министерството за внатрешни работи (МВР).
Според податоците, приведени се 60 лица, а против нив се преземени мерки и активности. Како резултат на тоа, поднесени се 36 кривични пријави.
Најголем дел од пожарите, според МВР, се предизвикани од човечки фактор, со различни мотиви. Надлежните органи работат на расчистување на случаите и проверка на евентуална меѓусебна поврзаност на осомничените.
Од 1 јули 2025 година беше воведена забрана за движење во шуми без писмено одобрение. Во наведениот период до крајот на септември биле затекнати 27 лица кои ја прекршиле забраната. Против нив ќе бидат поднесени соодветни поднесоци во согласност со Законот за шуми.
Во насока на рана превенција, полициските служби користат дронови за мониторирање на шумските појаси ширум државата.
„Со воведувањето на овие оперативни мерки зголемена е ефикасноста во делот на раното предупредување и лоцирање на евентуалните пожари, како и детектирањето на можните причини или причинители на истите“, истакнуваат од МВР.
Ненадминливи Понуди Дневно
4.8 (10276 рецензии)
Заштедете 152.00 ден

