65 илјади казни за 12 часа – државата би можела да инкасира 3 милиони евра дневно

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

65 илјади казни за 12 часа – државата би можела да инкасира 3 милиони евра дневно

03 декември 2025

• од Станча Јаќимовски

Министерот за внатрешни работи вчера соопшти дека системот „Safe City“ за само 12 часа тест-функционирање регистрирал дури 65.000 сообраќајни прекршоци направени од возачи на моторни возила.

Според неговата изјава, од вкупниот број регистрирани прекршувања, 2.800 биле за поминување на црвено светло, а околу 1.000 возила биле затекнати во сообраќај без важечка регистрација. Овие податоци ја отворија дебатата за тоа колкав приход би можел да оствари буџетот само од наплата на казните.

Анализата што ја направил економскиот портал „Faktor“ покажува дека една од најчестите казни која речиси секој возач ја добил барем еднаш, е глобата од 45 евра за пречекорување на дозволената брзина. Доколку се претпостави дека сите казнети возачи ја платиле глобата во законскиот рок од осум дена и ја искористиле можноста за 50% попуст, тогаш државата би добила 22,5 евра од возач, односно околу 1,46 милиони евра во период до осум дена.

Во случај истиот број возачи да ја направиле истата брзинска повреда секој ден во текот на цел месец, пресметките покажуваат дека државата би можела да оствари приход од неверојатни 43,8 милиони евра.

Но, ако казнетите не ја платат глобата во намалениот рок и целосната сума остане на наплата, тогаш 65.000 казни би донеле околу 3 милиони евра дневен приход. Со исто темпо од прекршоци во текот на 30 дена, приходот би пораснал на 87,7 милиони евра само од наплата на брзинските глоби.

Сепак, постојат и други сообраќајни казни кои се значително пониски или повисоки, зависно од видот на прекршокот. Експертите потсетуваат дека целта на системот не е буџетски профит, туку поголема безбедност на патиштата и намалување на ризиците во сообраќајот.