АА: Тоа што ја напуштивме владата по своја волја јасно покажува колку сме корумпирани
Алијансата за Албанците (АА), предводена од Арбен Таравари, реагираше на, како што ги нарекува, апсурдните клевети од страна на ВМРО-ДПМНЕ, кои се насочени кон партијата и нејзиниот лидер. Од партијата велат дека ваквите обвинувања доаѓаат во време на длабока политичка криза и отсуство на аргументи од страна на актуелната владејачка структура.
„Тоа што ја напуштивме владата по своја волја јасно покажува колку сме малку корумпирани“, се вели во соопштението, алудирајќи дека ваквиот потег е речиси незамислив за некои од партиите кои се уште се на власт.
Од АА потенцираат дека не се заинтересирани за празни обвинувања и дека нема да дозволат навредите да го дефокусираат нивниот ангажман и работа на терен, со јасна цел – изборна победа во октомври. „Смирено сме фокусирани на нашата работа кон Октомвриската победа“, нагласуваат од партијата, додавајќи дека не сакаат дополнително да ја оптоваруваат ВМРО, која веќе се соочува со сериозни предизвици.
„Алијансата за Албанците е на добар пат и во своите најдобри денови“, завршува партиското соопштение, со јасна порака дека продолжуваат напред, уверени во исправноста на своите постапки и визија за иднината.