Адвокатот Шајн го извади Раста од притвор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Адвокатот Шајн го извади Раста од притвор – пасошот веднаш вратен!

04 август 2025

• од Станча Јаќимовски

Српскиот рапер Раста (Стефан Ѓуриќ), кој требаше да настапи за време на големиот државен празник Илинден, на 2 август во Охрид, беше фатен со опојна дрога и веднаш приведен од страна на македонската полиција. Настанот предизвика бурни реакции кај јавноста, особено поради фактот што неговото присуство беше дел од програмата за одбележување на значаен ден за државата.

Според информации добиени од Шило Магазин, Раста бил приведен за време на музичкиот фестивал на кој настапуваше и американскиот пејач Џејсон Деруло. При рутинска контрола, МВР кај него пронашла наркотични супстанци, по што против него веднаш била поднесена кривична пријава за „неовластено производство, продажба и употреба на наркотични дроги, психотропни супстанции и прекурсори“, според член 215 од Кривичниот законик на Република Северна Македонија.

Бидејќи станува збор за странец, раперот беше итно изведен пред надлежен суд во Охрид. Сепак, по брза постапка било одлучено дека нема основа за негово натамошно кривично гонење. Нему му беше веднаш вратена патната исправа, по што без никакви ограничувања си замина од земјата.

Клучна улога во неговото ослободување одигра познатиот адвокат Ѓоко Шајн, кој со експресна и ефикасна интервенција успеа да го извлече Раста од непријатната ситуација.

Случајот фрла сенка врз целата организација на празничната прослава. Наместо да биде дел од културен настан кој треба да ја прослави државноста и борбата за слобода на македонскиот народ, Раста направи непромислен чекор што испраќа лоша порака – особено до младата публика. Фактот што веднаш беше ослободен, без последици и со вратен пасош, отвора сериозни прашања за двојните аршини на правдата кога станува збор за јавни личности и странски државјани.

Во време кога државата се обидува да го зајакне правниот систем и да испрати јасна порака за нетолеранција кон наркотиците, ваквите постапки се недозволиви и заслужуваат силна осуда. Раста можеби си замина слободен, но недовербата во системот останува – особено кај граѓаните кои секојдневно се соочуваат со строги санкции за многу помали престапи.