Африм Гаши не ги слушнал скандирањата „Илирида“ и „Голема Албанија“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Африм Гаши не ги слушнал скандирањата „Илирида“ и „Голема Албанија“

06 август 2025

• од Станча Јаќимовски

Навивачите на фудбалскиот клуб Шкендија синоќа на Националната арена „Тодор Проески“ во Скопје, за време на натпреварот со Карабах, повеќекратно скандираа националистички пароли, меѓу кои „Илирида“ и „Голема Албанија“. И покрај претходните апели за фер и спортско навивање, инцидентите не беа спречени, како што информираше новинската агенција МИА.

Натпреварот беше следен од низа високи владини и политички претставници, меѓу кои вицепремиерот Изет Меџити, претседателот на Собранието Африм Гаши, министерот за економија Беким Реџепи, како и опозициските лидери Али Ахмети и Арбен Таравари.

Редакцијата на Телма побара реакција од претседателот на Собранието Африм Гаши, кој во минатото остро ги осудуваше националистичките извици, вклучително и неодамнешниот случај со навивачите на Куманово при кошаркарскиот натпревар со Романија, каде повика на единство и разум.

Во врска со синоќешните скандирања на навивачите на Шкендија, Гаши изјави дека додека бил на трибините не слушнал ништо слично, но доколку такви извикувања навистина се случиле – ги осудува.

„Бев присутен на натпреварот, но не слушнав такви скандирања. Ако навистина имало, тогаш тие не се прифатливи и ги осудувам“, изјави Гаши.

Останува прашањето дали институциите ќе реагираат на ваквите појави и какви мерки ќе бидат преземени за спречување на говор на омраза и национализам на спортските терени.