Ахмети: Ако Бектеши биде обвинет, ДУИ ќе излезе на улица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети: Ако Бектеши биде обвинет, ДУИ ќе излезе на улица

02 мај 2025

• од Вардарски

Ако екс-министерот за економија Крешник Бектеши биде обвинет за катастрофалниот пожар во импровизираната дискотека „Пулс“ во Кочани, Демократската унија за интеграција (ДУИ) најавува масовни протести. Лидерот на партијата, Али Ахмети, во изјава за ТВ 24 порача дека партијата ќе излезе на улица и ќе ги поддржи семејствата на загинатите.

Ахмети го нарекува евентуалното обвинување против Бектеши „политички прогон“ и предупредува дека протестите ќе продолжат сè додека не се обезбеди неселективна правда и не се распишат предвремени парламентарни избори. „Ако Али Ахмети излезе на улица, враќање нема. Ќе ги поддржиме и барањата и протестите на семејствата на загинатите деца. Тој процес може да заврши само со предвремени парламентарни избори“, порача Ахмети.

Покрај тоа, лидерот на ДУИ најави дека партијата ќе бара ветинг за сите функционери од осамостојувањето до денес, вклучително и за судиите, обвинителите и испитување на потеклото на имот.

Интересен детаљ што го откри Ахмети е дека премиерот Христијан Мицкоски пред 100 дена му понудил предвремени парламентарни избори заедно со локалните, но подоцна ја повлекол таа понуда. Ахмети смета дека прашањето сè уште не е затворено и не исклучува натамошни разговори со Мицкоски.

Во однос на локалните избори, Ахмети потврди дека имал три средби со Арбен Таравари, но засега не е утврдена формата на нивната можна соработка. Не ја исклучи ниту можноста за соработка со СДСМ, особено доколку се одлучи да се оди на двојни избори наесен. Како што посочи, одлуките ќе ги донесат највисоките партиски органи на ДУИ во рок од една недела.