Ахмети повика на нов национален договор за напредок на Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети повика на нов национален договор за напредок на Северна Македонија

21 декември 2025

• од Станча Јаќимовски

Лидерот на Демократската унија за интеграција (ДУИ), Али Ахмети, на петтиот конгрес на партијата упати силна порака за потребата од нов историски договор кој, како што истакна, нема да биде договор за опстанок, туку за напредок на државата. Пред делегатите и гостите, Ахмети нагласи дека унитарната држава се зајакнува тогаш кога сите граѓани се чувствуваат вистински претставени и активно вклучени во процесите на одлучување.

Според него, Северна Македонија може да биде функционална и одржлива само доколку се темели на довербата и лојалноста на сите заедници што живеат во неа. Во тој контекст, Ахмети предложи три клучни мерки кои, како што рече, ќе обезбедат фер застапеност, функционална еднаквост и социјална кохезија во духот на Охридскиот мировен договор.

Првата мерка се однесува на изборот на Владата со двојно мнозинство. Ахмети предложи секој нов владин состав да добие доверба не само од мнозинството пратеници во Собранието, туку и од мнозинството пратеници од немнозинските заедници. Според него, ваквиот модел ќе обезбеди двоен легитимитет на извршната власт и ќе гарантира вистинска репрезентативност на сите етнички заедници, како и зачувување на меѓуетничката кохезија на највисоко ниво.

Втората точка се однесува на имплементацијата на Бадентеровиот принцип во Уставниот суд. Ахмети оцени дека законите донесени со двојно мнозинство во Собранието не треба да бидат поништувани без ист таков принцип и во рамките на судската власт. Тој предложи измени со кои одлуките што директно влијаат врз правата на немнозинските заедници би се носеле со меѓусебен консензус меѓу судиите, со цел да се зачува интегритетот на законите и да се спречи институционална мајоризација.

Како трета мерка, лидерот на ДУИ побара продлабочување на децентрализацијата и зајакнување на локалната самоуправа. Тој предложи нова фаза на функционална и фискална децентрализација, со пренос на дополнителни надлежности во областите на образованието, здравството, локалниот развој и управувањето со јавниот имот. Воедно, побара и финансиска независност на општините преку фер распределба на даноците и таксите што се собираат на локално ниво.

Ахмети истакна дека овие предлози имаат за цел да го консолидираат единството на државата не преку доминација на мнозинството, туку преку рамноправно меѓуетничко партнерство и ефикасно функционирање на институциите. „Ова е единствениот пат кон стабилна, функционална и фер Северна Македонија за сите нејзини граѓани“, порача тој.

Во завршното обраќање, Ахмети нагласи дека на државата ѝ е потребен нов национален договор за напредок. Според него, тој договор треба да биде морална обврска и заедничка визија на сите заедници и експерти, насочена кон иднина во која достоинството е загарантирано, а можностите еднакви за сите.

По одржувањето на петтиот конгрес на Демократска унија за интеграција, се очекуваат и значајни промени во раководните структури на партијата.