Ахмети реизбран за претседател на ДУИ, Адеми нов генерален секретар, Османи останува потпретседател

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети реизбран за претседател на ДУИ, Адеми нов генерален секретар, Османи останува потпретседател

21 декември 2025

• од Станча Јаќимовски

Али Ахмети повторно ја доби довербата да ја води Демократската унија за интеграција (ДУИ), откако на денешниот 5. партиски конгрес беше реизбран за претседател на партијата. Ахмети беше единствениот кандидат за највисоката партиска функција и, според информации на ТВ Сител, добил поддршка од 737 делегати.

Одлуките за новото раководство на ДУИ, која во моментов се наоѓа во опозиција, беа донесени на затворениот дел од конгресот, каде што се избираа генерален секретар и потпретседатели. Дел од медиумите, повикувајќи се на партиски извори, неофицијално објавија дека и во новиот состав на раководството доминираат добро познати кадри, со одредени кадровски рокади.

За нов генерален секретар е избран Арбер Адеми, кој досега ја извршуваше функцијата потпретседател на партијата. Досегашниот генерален секретар Фатон Ахмети ќе продолжи да делува како еден од потпретседателите на ДУИ.

Функцијата потпретседател ја задржува и Бујар Османи, кој на последните локални избори беше кандидат за градоначалник на општина Чаир, но загуби од Изет Меџити од коалицијата ВЛЕН. За потпретседатели на партијата се избрани и Еркан Арифи, Арбана Пашоли и Арта Биљали-Зендели.

Новиот организациски секретар на ДУИ ќе биде Неби Реџепи, поранешен државен секретар во Министерството за животна средина и просторно планирање, додека Арбеша Влаши е именувана за секретар за еднакви можности, објави ТВ 24.

Во своето обраќање на почетокот на конгресот, кое траеше повеќе од 20 минути, Ахмети истакна дека унитарната држава се зајакнува само доколку сите граѓани се чувствуваат вистински претставени и активно вклучени во процесите на одлучување.

Во таа насока, тој предложи три клучни мерки кои, според него, обезбедуваат фер застапеност, функционална еднаквост и социјална кохезија, во духот на Охридскиот мировен договор. Како прва мерка, Ахмети предложи изборот на Владата да се врши со двојно мнозинство во Собранието – покрај апсолутното мнозинство, да биде потребно и Бадентерово мнозинство, односно поддршка од мнозинството пратеници од немнозинските заедници.

Според Ахмети, ова би обезбедило Владата да има двоен легитимитет и да биде вистински репрезентативна за сите етнички заедници. Тој додаде дека Бадентеровиот принцип треба да се применува и во Уставниот суд, така што законите донесени со двојно мнозинство да не можат да бидат поништени без соодветно двојно мнозинство и меѓу судиите.

Како трета точка, лидерот на ДУИ побара продлабочување на процесот на децентрализација и јакнење на локалната самоуправа, што, како што рече, има за цел да го консолидира единството на државата.

Ахмети нагласи дека на државата ѝ е потребен нов историски национален договор.

„Нашите граѓани бараат повеќе, нашите деца заслужуваат повеќе. Дојде време за нов историски договор – договор не за опстанок, туку за напредок. Националниот договор за напредок е морална обврска и ветување кон нашите деца, визија за земја во која соништата се остварливи, а достоинството загарантирано“, порача Ахмети.