04 октомври 2025
• од Станча Јаќимовски
Лидерот на Демократската унија за интеграција (ДУИ), Али Ахмети, одржа силен говор во кој испрати директна порака до премиерот Христијан Мицкоски.
Ахмети нагласи дека тој не е политичар кој доаѓа од телевизиски студија или од кабинети со однапред подготвени говори, туку човек што својата политичка тежина ја градел преку борба и жртва.
„Христијан Мицкоски е деветтиот или десеттиот што ќе оди во пензија. Тој треба да си оди во пензискиот фонд и таму да работи,“ изјави Ахмети со ироничен тон.
Во својот говор, лидерот на ДУИ потсети дека неговото политичко ангажирање е продолжение на една долга историска борба на Албанците.
„Јас доаѓам од движење кое пролеа крв во најновата историја на Албанците. Јас доаѓам од Косовската ослободителна армија. Јас доаѓам од Националната ослободителна армија,“ рече Ахмети.
Тој се повика и на делото на историските личности како Хасан Приштина, Бајрам Цури, Идриз Сефери и Калош Дани, како и на придонесот на професорот Хакиф Бајрами, истакнувајќи дека тие се темели на националната кауза.
Ахмети порача дека Мицкоски треба да го напушти политичкиот терен:
„Христијаниот подобро е да се повлече, зашто нема каде да оди и нема што да работи за пензија,“ додаде тој.
Со овој говор Ахмети испрати порака дека неговата улога во политиката не е како на традиционалните политичари, туку како човек што зад себе има историја, борба и идеал. Тој сака да покаже дека останува важен и влијателен фактор на политичката сцена, со јасна поврзаност кон националните вредности и историјата.
Ненадминливи Понуди Дневно
4.8 (10276 рецензии)
Заштедете 152.00 ден

