АХВ со засилени контроли за празниците: изречени казни од 33.000 евра и уништени над 600 килограми храна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

АХВ со засилени контроли за празниците: изречени казни од 33.000 евра и уништени над 600 килограми храна

30 декември 2025

• од Станча Јаќимовски

Во пресрет на новогодишните и божиќните празници, инспекциските служби на Агенција за храна и ветеринарство (АХВ) спроведоа засилени, вонредни контроли кај операторите со храна низ целата држава, со цел обезбедување повисоко ниво на заштита на здравјето на потрошувачите.

Акцентот на контролите беше ставен на угостителските објекти кои организираат предновогодишни и новогодишни прослави, како и на месарници, месарници со работилници, рибарници и други специјализирани продавници за храна од животинско потекло, каде што во овој период традиционално се бележи зголемена побарувачка и потрошувачка.

Според податоците од АХВ, на територијата на целата држава реализирани се вкупно 423 надзори во гостилници и ресторани, како и 228 вонредни контроли кај оператори со храна од животинско потекло.

Утврдени неправилности

При контролите биле констатирани повеќе генерални неусогласености, меѓу кои:

неспроведени задолжителни здравствени прегледи на вработените,
неисполнување на хигиенските и микробиолошките барања за безбедност на храна и вода,
нерегистрирани правни лица како оператори со храна во АХВ,
пронајдена небезбедна храна и производи со поминат рок на употреба,
несоодветно складирање и селектирање на храната,
нередовно водење и ажурирање на записите за Добра хигиенска и Добра производствена пракса, како и HACCP системот,
неспроведена дезинфекција, дезинсекција и дератизација,
неземени мостри од храна за лабораториско тестирање,
производи без декларации или со нецелосни и нејасни ознаки.

За утврдените недоследности биле издадени соодветни решенија и наредби за нивно отстранување.

Казни и уништена храна

„Со спроведените контроли изречени се 60 парични казни во вкупна вредност од над 33.000 евра во денарска противвредност за операторите и одговорните лица. Дополнително, изречени се опомени и издадени решенија со задолжителни мерки. Како небезбедни, уништени се над 624 килограми храна, од кои 567 килограми биле производи од месо“, информираат од АХВ.

Апел до граѓаните

Од Агенцијата апелираат до граѓаните храната за празниците да ја купуваат исклучиво од одобрени и регистрирани објекти со имплементирани системи за безбедност на храната, да обрнуваат внимание на означувањето и условите на чување на производите. Во домаќинствата, пак, се нагласува важноста од одржување на хигиената, правилна подготовка на храната и нејзино чување на соодветна температура, со цел заштита на здравјето на сите членови на семејството.