Албанците од регионот најавуваат протест во Скопје во поддршка на поранешните лидери на УЧК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Албанците од регионот најавуваат протест во Скопје во поддршка на поранешните лидери на УЧК

10 декември 2025

• од Станча Јаќимовски

Плоштадот „Скендербег“ во Скопје на 13 декември ќе стане центар на голем регионален протест со кој ќе се побара ослободување на поранешните лидери на Ослободителната војска на Косово (ОВК), кои се наоѓаат во притвор во Специјализираниот суд во Хаг. Организаторите порачаа дека протестот ќе биде мирен, а целта – испраќање силна порака за, како што велат, неправедното задржување на Хашим Тачи, Кадри Весели, Јакуп Красниќи, Реџеп Селими и други обвинети.

Според најавите, иницијативата произлегува од повеќе здруженија на ветерани и семејства на загинати борци од конфликтот во Косово. Тие сметаат дека процесите во Хаг се оптоварени со политички мотиви и дека се прави обид да се ревидира историјата на косовскиот конфликт.

Обвинувања за неправда: „Судот соработува со српското обвинителство“

Џавит Јашари, претседател на Здружението на семејствата на паднатите борци на ОВК, истакна дека протестот не е насочен против правдата, туку против неправдата. Тој обвини дека Хашкиот специјализиран суд преку блиска соработка со српското обвинителство се обидува да го оцрни наследството на ОВК.

„Нашата единствена цел е да побараме правда и да изразиме солидарност со Тачи, Весели, Красниќи, Селими и сите други кои неправедно се држат во Хаг. Ние не повикуваме на спротивставување на правдата и никогаш не сме повикувале,“ нагласи Јашари.

Подготовки за протестот: Се чека официјална дозвола од Град Скопје

Административните подготовки за одржување на протестот се во тек. Бујар Дардишта од Организацискиот совет информираше дека според законските процедури поднесени се две барања до Град Скопје, кој е надлежен за користење на плоштадите и булеварите.

„Го плативме потребниот комунален надоместок и очекуваме без пречки да ја добиеме дозволата. Ова е уставно загарантирано право и немаме причина да веруваме дека ќе има пречки,“ изјави Дардишта.

Регионален повик: Масовност од целиот албански етнички простор

Организаторите најавуваат дека протестот ќе има регионален карактер и очекуваат присуство на граѓани од повеќе држави. Фадил Шурџај, претседател на Здружението на инвалидите од војната на Косово, упати јавен повик за масовност.

„Ги повикуваме сите граѓани на РСМ, Албанците од Албанија, Црна Гора, Косово, како и сите организации, здруженија и активисти, на 13 декември во 13 часот да ни се придружат на плоштадот ’Скендербег‘,“ порача Шурџај.