Албанската дијаспора со авиони и автобуси ќе го „сардиса“ Кичево

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Албанската дијаспора со авиони и автобуси ќе го „сардиса“ Кичево – Дехари и Лимани во потрага по поддршка

08 октомври 2025

• од Станча Јаќимовски

Поранешните сопартијци, а сега политички ривали, градоначалникот на Кичево Фатмир Дехари (ДУИ) и министерот за труд и социјална политика Фатмир Лимани (Вреди), овие денови се на дипломатско-изборна офанзива во Германија и Швајцарија, каде што се среќаваат со тамошната албанска дијаспора. Иако формално се функционери, двајцата тврдат дека патувањата ги финансираат приватно и дека не користат државни средства.

Кичево на прагот на нова изборна битка

На 19 октомври граѓаните на Кичево ќе решаваат дали градот ќе остане бастион на албанските партии или, како што тврдат од македонскиот политички блок, по 13 години ќе се врати под управа на ВМРО-ДПМНЕ. За оваа цел, кандидатот на ВМРО-ДПМНЕ д-р Александар Јовановски, кој ја има и поддршката од СДСМ, ќе се обиде да го искористи внатрепартискиот раскол меѓу ДУИ и Вреди.

Во меѓувреме, Дехари ја бара поддршката за четврти градоначалнички мандат, а Лимани, кој моментално е министер, се надева дека ќе ја замени министерската со градоначалничка фотелја.

Посети со приватни средства

Во изјава за „Слободен печат“, Дехари објасни дека сместувањето и патните трошоци му ги покрива семејството во Швајцарија.

„Сум спиел и престојувал кај моето семејство, не само сега, туку и при секој мој престој во Швајцарија. Сите трошоци, вклучително и патувањето, ги покривале тие“, рече Дехари.

Министерот Лимани, пак, потенцира дека не отсуствува од работа, бидејќи посетите ги реализирал за време на викендите, и дека сè си плаќа сам.

„Во Германија и во Швајцарија престојувам како кандидат за градоначалник на Кичево и сè си плаќам сам“, изјави Лимани.

Четири авиони и седум автобуси на готовс

Лимани тврди дека дијаспората масовно ќе пристигне во Кичево за изборите, најавувајќи четири полни авиони од Германија, Швајцарија и Австрија, како и шест до седум автобуси со негови поддржувачи.

Во своите обраќања до иселениците, Лимани упати емотивна порака за обединување и враќање на довербата во татковината:

„Вие не сте гранка што се исушила од далечината, туку срцето што го одржува стеблото на нацијата. Време е да запре иселувањето и корупцијата, да се спречи празнењето на татковината. Овие избори се референдум за иднината – за осветлени улици, квалитетни училишта и чесен соживот“, порача Лимани на социјалните мрежи.

Дехари со визија за „модерен Кичево“

Градоначалникот Дехари пред дијаспората ја презентираше развојната програма за „Кичево на иднината“, која опфаќа довршување на започнатите и започнување нови инфраструктурни и социјални проекти.

„Функционален и модерен град – подобрување на инфраструктурата и осветлувањето. Развој преку образование, туризам, земјоделство и технологија. Еднакви можности за сите – поддршка за младите, семејствата и локалните бизниси“, напиша Дехари.

Судир на визии и енергична дијаспора

Двајцата политичари, иако со различни партии, ја препознаваат важноста на дијаспората како клучен фактор во претстојната изборна битка. Дали Кичево ќе остане „албански бастион“ или ќе се врати под контрола на македонските партии – ќе стане јасно на 19 октомври, кога авионите и автобусите со гласачи ќе пристигнат во градот.