Али Ахмети: Албанците од дискриминирани станаа фактор за државноста на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Али Ахмети: Албанците од дискриминирани станаа фактор за државноста на Македонија

25 декември 2025

• од Станча Јаќимовски

Претседателот на ДУИ, Али Ахмети, во емисијата „Дебат на Шења“ изјави дека не е важно да се биде во власт за да се биде претставник на Албанците. Тој истакна дека ни тој, ни неговата партија, не се прогласени за лидер на Албанците, но дека овој епитет му бил доделен од бројни личности, како национални така и меѓународни.

„За мене е чест што ова им се признава на Албанците од Македонија, и не сум правел некакви брифинзи со генералите на НАТО, како што беше случајот кога генерал Кларк ме нарече живата легенда. Вистинито е дека преживеав низ многу големи настани од историјата на албанскиот народ во 20-тиот и почетокот на 21-виот век“, изјави Ахмети.

Тој нагласи дека не е важно како тој лично се чувствува, туку како Албанците го оценуваат неговото делување. Ахмети посочи дека Македонија ја нашол со Албанци кои биле потиснати и дискриминирани, со Албанци кои биле убиени заради знамето и заради високото образование. Според него, Охридскиот договор ја поставил темелната основа за државноста на Албанците, и тоа не би било возможно без крвавиот отпор и борбата на Албанците, особено на борците на УЧК.

„Денес Албанците имаат свои вредности тука, но овие вредности и крвта која беше прелана треба да се заштитат од секој Албанец, не само од оние кои организираа промена на политичкиот и правниот статус, не само од борците на УЧК“, додаде Ахмети.

Тој исто така нагласи дека пред еден и пол година ја оставил Македонија со албански премиер, што, според него, Албанците не би можеле ни да го сонуваат.

„Можеби дури и во соништата не го имаа замислено ова Албанците“, заклучи Ахмети.