Али Ахмети: Се закануваат да ја отстранат албанската јазична рамноправност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Али Ахмети: Се закануваат да ја отстранат албанската јазична рамноправност

06 октомври 2025

• од Станча Јаќимовски

Претседателот на Демократската унија за интеграција (ДУИ), Али Ахмети, во ексклузивно интервју за емисијата „Jehona Politike“, зборуваше за актуелните политички случувања и положбата на Албанците во Северна Македонија.

„ВМРО ја избра националистичката патека“

Ахмети остро ја критикуваше политиката на ВМРО-ДПМНЕ, обвинувајќи ја дека повторно се движи по националистички курс со цел да ја исклучи албанската заедница од државните процеси.

„ВМРО ја избра патеката на национализам, излезе со платформа ‘Македонија само за Македонците’, со која се обидува да ги исклучи Албанците и другите заедници. Тие бараат повторно да се отвори една затворена рана – Хашкиот трибунал за припадниците на Ослободителната народна армија, вклучувајќи и мене“, изјави Ахмети.

Тој потсети дека ваквите потези претставуваат директен удар врз Охридскиот рамковен договор, кој, како што рече, бил темелот на државната рамноправност и мирот меѓу етничките заедници.

„Малцинствата повторно под ризик“

Лидерот на ДУИ изрази загриженост дека Охридскиот договор е „сериозно загрозен“.

„Овие структури беа подготвени да ги заковаат последните клинци во ковчегот на договорот. Уставниот суд, со иницијатива подготвена уште во декември минатата година, се обиде да го укине Законот за употреба на албанскиот јазик, оставајќи го само на локално, општинско ниво. Според тоа, ние би можеле да зборуваме албански само дома, а не и во институциите“, рече Ахмети.

Протести и реакција на Албанците

По ваквата иницијатива, следеле контролирани протести организирани од албанските партии и граѓани пред Уставниот суд.

„Излеговме на протести кои внимателно ги контролиравме, бидејќи се плашевме дека емоциите ќе ескалираат. Три дена бевме со шатори пред Судот. Тројца судии се повлекоа и не учествуваа во седницата, која потоа беше одложена. Но, овој ризик и натаму постои“, предупреди Ахмети.

Тој заврши со порака дека заштитата на правата и рамноправноста на Албанците ќе остане врвен приоритет за неговото движење и дека секоја закана кон албанскиот јазик е закана кон самата држава и нејзиниот мултиетнички карактер.