Алијансата на Таравари бара транспарентност: Кој ги доби парите од унгарскиот кредит?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алијансата на Таравари бара транспарентност: Кој ги доби парите од унгарскиот кредит?

03 август 2025

• од Станча Јаќимовски

Една година по потпишувањето на кредитниот договор помеѓу Северна Македонија и Унгарија, тежок 500 милиони евра, Алијансата за Албанците (АА), предводена од Арбен Таравари, бара итна транспарентност и отчетност од Владата. Иако првично кредитот беше најавен како „спас за домашната економија“, денес опозицијата предупредува дека тој станал средство за фаворизирање и исклучување.

Според соопштението на АА, Владата ветила поддршка за малите и средни претпријатија, регионален развој и еднаква распределба на средствата. Но, како што тврдат од партијата, реалноста е сосема поинаква — нема никакви јавни информации за тоа кои субјекти ги користат средствата, ниту пак појаснување за критериумите според кои се доделуваат.

Од 250 милиони евра наменети за инвестиции, досега биле распределени 125 милиони, но даночните обврзници не знаат каде завршиле овие пари. „Нема ниту едно име, ниту еден јасен податок — само апстрактни бројки и празни ветувања“, се вели во реакцијата.

Особено алармантно, според АА, е тоа што албанските компании учествувале со помалку од 10% во распределбата на средствата. Партијата го нарекува ова „дискриминација со државен печат“ и „планирана неправда“ која, како што велат, е премолчено прифатена од институциите и оправдувана со владина пропаганда.

„Ова не е нова појава, туку стар модел на дискриминација, спроведен од нови луѓе“, истакнуваат од партијата. Според нив, средствата од унгарскиот кредит се користат за зацврстување на клиентелистичките мрежи и политичката зависност, додека Албанците остануваат на маргините.

Алијансата за Албанците официјално бара:

Итно објавување на списокот со сите корисници на кредитните средства;
Јасно образложение за критериумите и селекцијата на финансирани проекти;
Независна и јавна ревизија на целиот процес на распределба.

„Владата не смее да си поигрува со достоинството на граѓаните, ниту да продава илузии со пари позајмени во име на сите нас. Ако нема што да се крие — тогаш нека се објават списоците“, порачуваат од АА.

Партијата заклучува дека ова не е само економски проблем, туку длабока институционална неправда: „Ова е долг што Албанците не го зедоа, но ќе го отплаќаат. Ако молчиме денес, утре ќе бидеме соучесници.“