Алиу призна: Кардиохирургија е блокирана, ќе се ангажираат доктори од Словенија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алиу призна: Кардиохирургија е блокирана, ќе се ангажираат доктори од Словенија

04 септември 2025

• од Станча Јаќимовски

Министерот за здравство Азир Алиу соопшти дека Интерната комисија на Министерството веќе ги добила првите осум медицински досиеја за испитување на можни неправилности при кардиохируршки интервенции. Тој потврди дека Клиниката за кардиохирургија е во сериозна криза со кадровски недостатоци и дека операциите се ограничени.

Интерна комисија и меѓународни експерти

Алиу објасни дека доставените случаи до Комисијата потекнуваат од јавна здравствена установа, а не од поединци, и дека обработката на материјалот започнува веднаш. Според него, задачата е фактите да се утврдат врз основа на медицински докази и според меѓународни стандарди.

Покрај работата на Интерната комисија, Министерството побарало и вонреден стручен надзор од Лекарската комора. Во процесот ќе бидат вклучени и тројца странски експерти, најверојатно од Словенија, Италија и Австрија. „Никој нема да биде заштитен, ниту во јавното, ниту во приватното здравство, ако се докаже дека извршувал интервенции без медицинска оправданост“, рече Алиу.

Блокирана кардиохирургија

На прашање од новинарите за состојбата во Клиниката за кардиохирургија, вклучувајќи трансплантации, Алиу потврди дека одредени интервенции во моментов не се изведуваат. „Недостасуваат стручни лица, не само во Кардиохирургија, туку и во повеќето клиники во Скопје“, истакна министерот.

Тој ја опиша ситуацијата како „многу лимитирана“ и посочи дека тоа е резултат на сериозен недостаток на кадар.

Решение преку соработка со Словенија

Како можен излез од кризата, Алиу најави иницијатива за билатерален договор со Словенија. Тој предвидува привремено ангажирање словенечки лекари во Македонија, во периоди од три до шест месеци. Истовремено, македонски лекари ќе имаат можност да заминат во Словенија за да стекнат нови знаења и искуства.

Проектот е во рана фаза, но според Алиу, тоа е потребен чекор за враќање на довербата во здравствениот систем и надминување на кризата во кардиохирургијата.