Амар Мециновиќ останува без политичко рекламирање и во вториот изборен круг

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Амар Мециновиќ останува без политичко рекламирање и во вториот изборен круг

22 октомври 2025

• од Станча Јаќимовски

Агенцијата за аудио и аудиовизуелни медиумски услуги (АВМУ) нема да го менува Упатството за радиодифузерите за локалните избори 2025 година, со што кандидатот за градоначалник на Скопје од партијата Левица, Амар Мециновиќ, нема да добие право на платено политичко рекламирање во медиумите и пред вториот изборен круг.

Од АВМУ за „Слободен печат“ објаснуваат дека упатството е донесено во согласност со законските овластувања и дека институцијата нема законска можност ниту овластување да доделува дополнителни права надвор од пропишаните одредби на Изборниот законик.

„Агенцијата нема ниту законска можност, ниту овластување да излегува надвор од пропишаните рамки, да доделува поголеми права од предвидените, ниту пак да пропишува поинакви правила од оние утврдени со Законикот“, соопштија од АВМУ.

Потврда од Уставниот суд

Овој став, велат од Агенцијата, е потврден и од Уставниот суд на Република Северна Македонија, кој на 15 октомври 2025 година едногласно утврдил дека упатството е подзаконски акт што само ја операционализира законската одредба од член 75-ѓ од Изборниот законик. Според Судот, Агенцијата била должна да го донесе во оваа форма, без можност за доделување дополнителни права или измени надвор од законската рамка.

„Од првиот до вториот круг на локалните избори нема никаква промена на Законикот, па оттука не постои правна основа за измена на Упатството во насока на обезбедување посебен третман на кој било кандидат“, нагласуваат од Агенцијата.

Законска рамка и одговорност

Во одговор на прашањето дали ваквото постапување може да се толкува како злоупотреба на службената положба, од АВМУ одговараат дека непостапувањето надвор од законските рамки претставува пример за законито и одговорно работење.

„Агенцијата постапува исклучиво во рамките на своите законски овластувања. Секое постапување надвор од пропишаните законски рамки би значело повреда, а не почитување на законот. Затоа, непостапувањето во насока на менување на Упатството не може да се квалификува како злоупотреба, туку како законито и одговорно постапување на институцијата“, стои во одговорот на АВМУ.

Без промени пред вториот круг

Со ова, останува јасно дека кандидатот на Левица, Амар Мециновиќ, нема да може да плаќа за политичко рекламирање во медиумите пред одржувањето на вториот круг од локалните избори за градоначалник на Скопје, бидејќи не постои законска основа за таква измена на постојното упатство.