Американски извештај: Владата отвора истраги, но ретко кој функционер завршува на суд

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Американски извештај: Владата отвора истраги, но ретко кој функционер завршува на суд

30 септември 2025

• од Станча Јаќимовски

Иако на хартија „водењето бизнис во Северна Македонија е лесно“, суровата реалност ја демантира оваа илузија. Новиот извештај на американскиот Стејт департмент за инвестициската клима во 2025 година повторно ја открива најголемата болка на државата – корупцијата, која како канцер го подјадува секој обид за економски напредок.

Лесни процедури, но тешка корупција

Странските инвеститори во Технолошко-индустриските зони велат дека формално имаат позитивно искуство, но за македонските компании и за секојдневното стопанство ситуацијата е сосема поинаква. Зад „лесните“ процедури се крие бирократска лавиринтска регулатива што секој момент може да се промени, често според партиски интереси, а не според закон. Тоа создава непредвидлива и токсична деловна клима во која единствено цветаат – корумпираните функционери.

Држава во пад на индексот на корупција

Северна Македонија е рангирана на поразителното 88 место од 180 држави според Индексот на перцепција на корупцијата на „Транспаренси интернешнл“. Со резултат од само 40 од 100 можни поени, земјата е далеку под европските стандарди. Наместо вистинска борба против криминал, институциите отвораат истраги кои ретко завршуваат со конкретни обвиненија. Се најавува многу, се реализира речиси ништо.

Економија што тапка во место

Иако владата се фали со планови за „забрзан раст“, бројките зборуваат друго. Во 2024 година БДП порасна бедни 2,2%, додека реалниот износ изнесува само 12 милијарди долари. Тоа е економија на ниво на една европска општина. Со невработеност од 12,5% и со се поголем одлив на млади и образовани луѓе, перспективите се сиви.

Инвестиции што не доаѓаат

И покрај декларативната отвореност кон американски и странски инвестиции, во 2024 година беа забележани ограничени напори за привлекување капитал. Наместо да се отвораат нови фабрики и работни места, владата се задоволува со ситни субвенции за енергетска ефикасност и еднократни мерки за смирување на инфлацијата. Големите инфраструктурни проекти пак завршуваат кај странски компании, додека домашните бизниси гаснат еден по еден.

Македонија – вечен кандидат без иднина

И покрај тоа што е кандидат за членство во ЕУ уште од 2005 година и веќе е дел од НАТО, државата тоне во безизлез. Корупцијата, нестабилната регулатива, нискиот раст и огромната невработеност ја туркаат Македонија во ќорсокак. Граѓаните, наместо да гледаат светлина на крајот од тунелот, се соочуваат со мрачно секојдневие и неизвесна иднина.