Ана Чупеска алармира: ВМРО-ДПМНЕ создава полициска држава, претседателката да каже НЕ!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ана Чупеска алармира: ВМРО-ДПМНЕ создава полициска држава, претседателката да каже НЕ!

01 август 2025

• од Станча Јаќимовски

На денешната прес-конференција, потпретседателката на СДСМ, Ана Чупеска, остро се спротивстави на усвоените измени на законите за полиција и Министерството за внатрешни работи, предупредувајќи дека тие претставуваат сериозен удар врз професионализмот, безбедноста и демократијата во земјата. Социјалдемократскиот сојуз упати јавен апел до претседателката Гордана Силјановска-Давкова да не ги потпишува указите за стапување на сила на, како што ги нарекоа, „скандалозни, недемократски и антиевропски закони“.

„Овие измени го укинуваат професионализмот во полицијата и ја претвораат во инструмент на политичка принуда. Ова не е реформа – ова е манифест на авторитаризам“, истакна Чупеска.

Според неа, со новите законски решенија, министерот за внатрешни работи Тошковски добива неограничена моќ, вклучително и право самостојно да предлага и назначува раководни кадри без професионални критериуми. Укинувањето на условите за искуство и стручност за клучните позиции, според СДСМ, отвора врата за масовна партизација на полицијата, дури и вклучување на лица со криминално минато на раководни функции.

Особена загриженост предизвикуваат и новите можности за масовно следење преку биометриски податоци без адекватен надзор, што е спротивно на европските стандарди за заштита на приватноста и човековите права.

„Ова е удар врз граѓаните, врз демократскиот поредок и врз суверенитетот на државата“, потенцираше Чупеска, додавајќи дека измените се спротивни на Европскиот кодекс за полициска етика и на принципите на оперативна независност.

СДСМ ја повика претседателката Силјановска-Давкова да ја искористи својата уставна позиција и да застане на страната на правната држава, одбивајќи да потпише закони што, според нив, водат кон полициска држава.

Партијата најави и дека ќе поднесе официјална елаборација до амбасадите на ЕУ, САД, ОБСЕ, Советот на Европа, како и до домашни институции, алармирајќи за „опасноста од институционално деградирање и партиска злоупотреба на полицијата“.

„Нема тивко и бесчујно да дозволиме оваа власт да ја претвори полицијата во партиска милиција“, заклучи Чупеска.

Социјалдемократите порачаа дека нема да молчат пред овие, како што ги оценија, авторитарни тенденции и ќе ја користат секоја демократска алатка за спротивставување на ваквиот развој на настаните.