Аналитичарот Владимиров: Скандалот со Цеца е дел од хибридна операција на Србија во Велес

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Аналитичарот Владимиров: Скандалот со Цеца е дел од хибридна операција на Србија во Велес

04 ноември 2025

• од Станча Јаќимовски

Бугарскиот политички аналитичар Владимир Владимиров, познат по своите коментари за регионалните односи и безбедносни прашања, даде остра анализа на случувањето во Велес. Тој потсети дека Цеца е „вдовица на еден од најозлогласените луѓе од југословенските војни – Жељко Ражнатовиќ Аркан“ и дека нејзиното име отсекогаш било поврзано со контроверзии.

„Кога Цеца Величковиќ или кој било друг од истакнатите српски фолк-пејачи прави нешто вакво, бидете сигурни дека тоа е уште една успешна хибридна операција на БИА – надворешното разузнавање на Србија,“ изјави Владимиров.
Според него, со подигањето на бугарското знаме, Србија „освојува симпатии кај бугарската јавност“, додека истовремено „внесува дополнително напрегање во Северна Македонија“. „Тоа е уште една успешна операција за бугарските лапни-шарани,“ заклучи тој со доза на иронија.

Симболиката на знамето и реакциите

Иако за некои гестот на Цеца бил само емоционален чин на почит кон фановите, за мнозинството Македонци симболиката на бугарското знаме беше провокативна. Публиката во салата „Гемиџии“ реагираше бурно — дел свиреа, а дел ја напуштија салата. Некои медиуми објавија дека пејачката била „испокрена и исвиркана“. Цеца подоцна изјави дека „немала намера да навреди никого“ и дека секогаш го прифаќа секое знаме што ѝ го подадат обожавателите „како знак на љубов и поддршка“.

Сепак, за голем дел од јавноста, прашањето не беше дали пејачката имала зла намера, туку што значи ваквиот гест во контекст на актуелните односи меѓу Македонија и Бугарија — прашања што и понатаму се чувствителни и натоварени со историја и политика.

Хибридната димензија

Владимиров го стави инцидентот во рамка на т.н. хибридни операции — дејства каде културата, медиумите и емоциите се користат како алатки за политичко влијание.
„Не станува збор за отворена агресија,“ вели тој, „туку за внимателно режирани симболички потези кои го тестираат пулсот на јавноста и го зголемуваат недовeрението меѓу народите.“

Ваквите „меки стратегии“ се, според него, карактеристични за Балканот, каде културните и националните теми лесно добиваат политичка димензија. Настанот во Велес, според неговата анализа, е пример како еден концерт може да се претвори во дипломатски сигнал и медиумска провокација.