Јаневска призна дека нема книги за сите – дел од учениците добиваат искинати учебници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Јаневска призна дека нема книги за сите – дел од учениците добиваат искинати учебници

05 септември 2025

• од Станча Јаќимовски

Министерката за образование и наука, Весна Јаневска, денеска јавно призна дека постојат сериозни проблеми со обезбедувањето на учебници во основното образование. Осмоодделенците се најпогодени, бидејќи тие продолжуваат да учат по старата програма и воопшто немаат учебник по историја. Овој учебник бил повлечен пред шест до седум години и до денес не е изготвен нов.

Недостиг и застареност на учебниците

Генерацијата која годинава е осмо одделение учи по најзастарени и најамортизирани учебници. Тие се печатени пред повеќе од една деценија, а поради нивното постојано предавање од генерација на генерација, учебниците веќе двапати ја надминале законската трајност од пет години.

„Од прво до трето одделение нема никакви поплаки. Во четврто има проблем со учебникот по математика и ќе се обидеме да го решиме. Петто има нов учебник по историја и општество, во шесто исто така нов по историја, а седмо добива нови учебници по сите предмети. Најголем предизвик е осмо одделение, каде што учебникот по историја беше повлечен во 2019 година по барање на мешовитата комисија,“ изјави Јаневска.

Министерката најави дека за 14 дена ќе биде објавен конкурс за нови наставни програми за осмо одделение, што ќе овозможи идната година да се воведат целосно нови учебници, вклучувајќи и историја.

Поплаки за оштетени учебници

До Јаневска стигнале и поплаки од родители дека нивните деца добиле несоодветни и искинати учебници. Таа потсети дека учебниците законски се обновуваат на секои пет години, но дека може да дојде до оштетување при користење.

„Затоа постои училишна комисија која ги прима учебниците и треба да провери во каква состојба се. Ако учебникот е оштетен, родителот е должен да ја покрие штетата. Директорите и комисиите имаат обврска да водат евиденција и да бараат рефундирање на средствата. МОН не може да проверува учебници кај секој ученик,“ објасни министерката.

Финансискиот аспект

Оваа година, Министерството за образование и наука потрошило околу 11 милиони евра за учебници. И покрај тоа, проблемите со недостиг, застареност и оштетеност остануваат нерешени, а најголем удар претрпуваат токму учениците кои треба да ја стекнуваат својата основна наобразба.