Ангелов: БТР не се безбедни за гаснење пожари во урбани средини со стрмни и тесни улици

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ангелов: БТР не се безбедни за гаснење пожари во урбани средини со стрмни и тесни улици

09 јули 2025

• од Станча Јаќимовски

Во текот на последните два дена, во справувањето со пожарот во скопскиот регион, беа ангажирани специјализирани возила од Дирекцијата за заштита и спасување (ДЗС), вклучувајќи еден "Хермелин" со воден резервоар од 6 тона и еден "Пинцгауер" со капацитет од 1,5 тони. Возилата успешно интервенираа на терен, но употребата на други видови возила, како што се БТР-80, беше ограничена.

Директорот на ДЗС, Стојанче Ангелов, изјави дека употребата на БТР-80 во урбани средини не е безбедна поради конфигурацијата на теренот. „Бидејќи се оперира низ населени места со стрмни и тесни улици со остри кривини, сметам дека не е безбедна употребата на БТР-80“, изјави Ангелов.

Два од БТР возилата биле подготвени за транспорт кон фабриката Самоков, со цел да помогнат во евентуална заштита. Со резервоар од 6 тона и моќна пумпа со дострел до 100 метри, овие возила имаат потенцијал да играат клучна улога при гаснење пожари. Сепак, откако пожарот на тој потег бил ставен под контрола, одлучено е возилата да не бидат префрлени кон фабриката.

Ангелов потенцираше дека возилата се технички исправни, тестирани и регистрирани на име на ДЗС. Тој лично издал наредба тие да бидат тестирани и во реални услови, при што моменталното учество го смета за фаза на тестирање на нивните вистински капацитети и издржливост.

„Откако ќе се увериме дека специјалните возила се доволно ефикасни и безбедни за употреба, во зависност од потребите на терен, нивниот број постепено ќе се зголемува“, најави тој.

Заклучувајќи од досегашната употреба, Ангелов изрази задоволство од нивната функционалност и додаде: „Слободно можам да кажам дека сум презадоволен од нивната ефикасност.“

Прашај го ChatGPT