Ангелов: Дождот го изгасна пожарот во „Јасен“, остануваат жаришта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ангелов: Дождот го изгасна пожарот во „Јасен“, остануваат жаришта

22 август 2025

• од Станча Јаќимовски

Утрово, по повеќе од два часа обилни врнежи, конечно беше изгаснат пожарот кој повеќе од десет дена беснееше на подрачјето на ловиштето „Јасен“. Според директорот на Дирекцијата за заштита и спасување, Стојанче Ангелов, дождот значително помогнал во совладувањето на огнената стихија, но на одредени делови од теренот сè уште има чадење и жаришта.

Контрола на теренот со дронови и пешадиски интервенции

„По кревањето на маглата и чадот ќе продолжиме со пешадиски интервенции на жешките точки кои покажуваат знаци на горење. Целиот терен дополнително ќе биде проверен и со дронови со термални камери“, изјави Ангелов.

Екипи на ЈП „Јасен“ ќе продолжат со постојано патролирање сè додека не се потврди дека пожарот е целосно изгаснат.

Временски услови и ризик од нови пожари

Дожд заврна претежно во северните и северозападните делови од земјата, додека во источните, југоисточните, централните и југозападните области засега немаше врнежи.

Според прогнозите на Управата за хидрометеоролошки работи, денеска се очекува засилен ветер со брзина до 60 километри на час. Овој фактор, како што предупредуваат надлежните, може значително да го зголеми ризикот од појава и брзо ширење на нови пожари.

Апел до граѓаните

Ангелов упати апел до граѓаните да бидат крајно внимателни и да не предизвикуваат пожари. Тој нагласи дека секое сомнително однесување мора веднаш да се пријави, а дополнително потсети и на обврската случаите со оштетени или искрени електрични жици да се пријавуваат во ЕВН или на бројот 112.