Антикорупциска отвори предмет за блиско лице на премиерот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Антикорупциска отвори предмет за блиско лице на премиерот – заврши со заклучок „сè е законски“

28 август 2025

• од Станча Јаќимовски

Антикорупциската комисија, по сопствена иницијатива, отвори предмет за унапредување на блиско лице на премиерот во раководител на сектор во едно Министерство. Но, наместо одговори и транспарентност, јавноста доби уште една приказна со предвидлив крај – постапката е запрена, бидејќи било констатирано дека унапредувањето е направено согласно законот.

Предметот бил оформен во мај годинава, но по неколку месеци Комисијата констатирала дека нема ништо спорно. Дополнително, сомнежите за сопругата на лицето пропаднале – Министерството доставило информација дека кај нив воопшто не е вработено такво лице.

Тајност и недоречености

На седницата не беше кажано ниту во кое Министерство е вработено лицето, ниту пак каква е неговата поврзаност со премиерот Христијан Мицкоски. Наместо јасност, јавноста повторно доби тишина и недоречености.

Членот на ДКСК, Зоран Богоевски, појасни дека лицето било вработено уште од 2004 година во Министерството, а од 2010 година било на позиција раководител на одделение. Согласно годишниот план за вработување од 2025 година, било предвидено ново работно место – државен советник за координација на подрачните единици. Тоа било внесено и во Правилникот уште во 2015 година и за сето тоа постоела согласност и од Министерството за јавна администрација и од Министерството за финансии.

Очекувања и разочарувања

Формално, сè изгледа чисто и законски. Но граѓаните остануваат со чувство дека институциите само формално отвораат предмети, за потоа без објаснување да ги затворат. Наместо одговори и борба против корупцијата, повторно има уште една затворена врата и уште една потврдена недоверба.