Апасиев: Судиите мора да одговараат за незаконска примена на правото

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Апасиев: Судиите мора да одговараат за незаконска примена на правото

29 декември 2025

• од Станча Јаќимовски

Пратеникот и лидер на Левица, Димитар Апасиев, остро реагираше на расправата за Предлог-законот за Судски совет, потенцирајќи дека е недозволиво судиите да уживаат фактичка неодговорност, додека други професии, како лекарската, сносат последици за професионални грешки.

„Не може лекар да одговара за лекарска грешка, а судија да не одговара за незаконска примена на правото или за изворите на правото. Ако треба, и Уставот треба да го смениме“, изјави Апасиев од собраниската говорница, нагласувајќи дека овие прашања ретко се отвораат како суштински проблем во правосудниот систем.

Критика на трајниот мандат на судиите

Апасиев го проблематизираше и трајниот мандат на судиите, оценувајќи дека тој придонесува за недостиг на одговорност и квалитет во судството. Според него, потребно е враќање на првичниот југословенски модел, кој предвидувал мандат од девет години.

„Девет години и фајронт. Понатаму можеш само нагоре – во Апелација или во Врховен суд. Ако не те бива, биди адвокат, нотар или што сакаш“, порача Апасиев.

Тешко разрешување, лесно именување

Тој посочи дека постапката за разрешување судија е „ѓаволски тешка“, за разлика од процесот на именување, кој, како што рече, е премногу лесен и нетранспарентен. Дополнителен проблем, според него, е недостигот на јавни информации за судиите.

„Немаме ниту CV на судиите, не знаеме што бираме. На веб-страница на судија нема ниту слика, ниту биографија, а тој може да ви изрече доживотна казна затвор“, истакна Апасиев.

Усвоени измени на Законот за Судски совет

И покрај критиките, Собранието со 73 гласа „за“ и еден „воздржан“ ги усвои измените на Законот за Судски совет. Целта на законските измени е враќање на довербата во судството преку надминување на системските слабости и воведување повисоки стандарди за транспарентност и отчетност.

Меѓу клучните новини е воведувањето јавност во постапката за разрешување на претседателот на Судскиот совет, со што се прекинуваат досегашните контроверзни практики. Законот, исто така, ги прецизира критериумите за избор на „истакнат правник“ и предвидува задолжителна јавна расправа при изборот на членови на Советот кои не се од редот на судиите.