Апел од МВР: Внимавајте на лажни е-пораки со фишинг линкови – зачестени измами преку електронска пошта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Апел од МВР: Внимавајте на лажни е-пораки со фишинг линкови – зачестени измами преку електронска пошта

13 мај 2025

• од Вардарски

Министерството за внатрешни работи, преку Секторот за компјутерски криминал при Бирото за јавна безбедност, упатува сериозен апел до граѓаните и компаниите за зголемено внимание поради зачестените фишинг напади кои се шират преку електронска пошта. Според последните информации, се злоупотребуваат имињата на повеќе македонски компании во обиди за прибавување на лични и чувствителни податоци од граѓаните.

Во овие е-пораки се тврди дека примателот сторил повреда на авторски права, при што се вклучени линкови до наводна документација. Но всушност, станува збор за фишинг линкови кои водат до лажни веб-страници, дизајнирани за да украдат лични податоци, лозинки, информации за платежни картички или други доверливи информации.

МВР нагласува дека:

Овие пораки не се испратени од легитимни компании, иако така изгледаат на прв поглед.
Не кликнувајте на линковите или прилозите, не одговарајте на пораките и не споделувајте никакви лични податоци.
Веднаш избришете ја пораката доколку ја примите.
Доколку сте жртва на ваков напад или добиете сомнителна порака, пријавете го случајот во најблиската полициска станица.

Фишинг обидите не се ограничени само на електронска пошта – тие може да дојдат и преку социјални мрежи, СМС пораки или телефонски повици.

Министерството за внатрешни работи апелира на зголемена претпазливост и информираност со цел да се спречат можните злоупотреби и последици што можат да произлезат од споделување на лични податоци со непознати или сомнителни лица. Особено е важно да не се разменуваат лични информации со лица чиишто идентитет не може да се потврди.

Секторот за компјутерски криминал продолжува со активности и постапки за откривање и санкционирање на ваквите интернет измами.

Бидете внимателни – вашите податоци се ваша одговорност.