Апелација ја зголеми казната за Васил Јованов на 13 години затвор за смртта на Фросина Кулакова

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Апелација ја зголеми казната за Васил Јованов на 13 години затвор за смртта на Фросина Кулакова

15 декември 2025

• од Станча Јаќимовски

Апелациониот суд во Скопје ја зголеми затворската казна за Васил Јованов на 13 години, поради сообраќајната несреќа во која животот го загуби 22-годишната Фросина Кулакова. Со оваа одлука, судот ја уважи жалбата на Основното јавно обвинителство Скопје и ја одби жалбата на обвинетиот, преиначувајќи ја првостепената пресуда во делот на висината на казната.

Јованов претходно беше осуден на 12 години затвор за кривичното дело „тешки дела против безбедноста на луѓето и имотот во сообраќајот“, а со одлуката на Апелациониот суд казната е зголемена за една година. Во останатиот дел, првостепената пресуда е целосно потврдена.

Според утврдената фактичка состојба, сообраќајната несреќа се случила во јануари годинава на булеварот „Партизански одреди“ во Скопје. Обвинетиот управувал моторно возило со брзина од 91 километар на час, без поседување возачка дозвола и под дејство на алкохол. При тоа, поминал на црвено светло на семафор и на пешачки премин ја удрил Фросина Кулакова, која од здобиените повреди починала на лице место.

Со зголемувањето на казната, Апелациониот суд оцени дека тежината на делото, начинот на извршување и последиците од сообраќајната несреќа налагаат построга санкција, со цел соодветна казнена политика и превенција на вакви тешки прекршувања на сообраќајните правила.