Арсовска до Ганиу: Не се вади со "поткровје", сите гледаат нова дивоградба со 40 стана

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска до Ганиу: Не се вади со "поткровје", сите гледаат нова дивоградба со 40 стана

19 јуни 2025

• од Станча Јаќимовски

Градоначалничката на Скопје, Данела Арсовска, жестоко реагираше на изјавите на Висар Ганиу, изнесени во интервју за Al Jazeera, во кое тој се обидува да ја оправда изградбата на нова зграда со тврдења дека станува збор за "поткровје".

Во својата реакција, објавена на социјалните мрежи, Арсовска остро го демантира Ганиу и го обвинува за директна вмешаност во незаконска градба – нова зграда со 40 стана, која, според неа, не може да се скрие од јавноста.

„Вики, не глуми! За какво поткровје збориш? Секој со очи гледа дека станува збор за комплет нова дивоградба, не нешто од 2011 година“, пишува Арсовска, додавајќи дека предметот за кој станува збор е активен и неодамна процесуиран, а не стар случај.

Обвинувања за местење и фалсификати

Арсовска понатаму го обвинува Ганиу дека свесно ги вплеткува вработените во општината за да се заштити себеси:

„Јасно ги мести вработените за своите криминали,“ вели таа, реагирајќи на изјавата на Ганиу дека постојат комисии и филтри кои ги одобруваат документите.

Посочува и на, како што вели, фалсификуван документ потпишан на 20 март 2025 година – во период на жалост во Кочани, што според неа, претставува дополнителна тежина на случајот и директен доказ за незаконско постапување.

Апел до Обвинителството

Во објавата, Арсовска упатува и повик до Обвинителството за гонење организиран криминал, барајќи постапка против Ганиу, обвинувајќи го за низа незаконски легализации:

„Сам си призна дека има 13.000 апликации за легализација! Овие податоци веќе ги има и обвинителството, заедно со оригиналната архивска книга во која се гледаат фингирани и дополнително внесени дивоградби.“

Завршна порака

На крајот од својата порака, Арсовска додава дека располага со докази за сите обвиненија, и дека нема намера да се повлече под притисок или закани:

„И за сѐ ова јас имам докази, а ти само тераш со закани и политика.“

Останува да се види дали институциите ќе постапат по сериозните обвинувања, додека јавноста следи со зголемено внимание како ќе се развива овој случај, кој веќе добива политичка, но и правна димензија.