Арсовска: „Обвинителството ме малтретира и ме става во дополнителна опасност“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска: „Обвинителството ме малтретира и ме става во дополнителна опасност“

31 мај 2025

• од Станча Јаќимовски

Градоначалничката на Град Скопје, Данела Арсовска, денеска во 15 часот ќе достави релевантна документација до Јавното обвинителство за дивоградбите во Општина Чаир. Како што се наведува во соопштението од нејзиниот кабинет, Арсовска се одлучила на овој чекор бидејќи, и покрај тоа што досега јавно се објавени бројни информации и докази, Обвинителството побарало формално таа да ги достави податоците.

Во соопштението се изнесуваат остри критики кон постапувањето на Јавното обвинителство, при што се тврди дека институцијата ја изложува градоначалничката на институционално малтретирање, наместо да се фокусира на сторителите на кривичните дела.

„Морало името на градоначалничката да го имаат и формално за дополнително да ја малтретираат институционално, наместо сторителите на кривичните дела, и да ја стават во дополнителна опасност“, се наведува во соопштението.

Арсовска истакнува дека не се плаши од градоначалникот на Чаир, Висар Ганиу, ниту од пратеникот Изет Меџити, и затоа решително ќе ја поднесе документацијата пред надлежните институции. Таа смета дека доказите веќе се јавно достапни преку повеќе од 15 соопштенија кои Град Скопје ги има испратено до медиумите и јавноста.

Градоначалничката ја обвинува општинската власт во Чаир, предводена од Ганиу, за криминал и незаконска легализација на дивоградби. Во изминатите денови, Арсовска во телевизиско интервју изјави дека веќе три години добива закани по живот, што дополнително го нагласува притисокот под кој, според неа, се наоѓа.

Во контекст на најавената документација што ќе се достави до Обвинителството, од нејзиниот кабинет порачуваат дека целта е конечно да се обезбедат и заштитат доказите, за кои тврдат дека има обиди да бидат уништени.

Со оваа постапка, Арсовска очекува дека надлежните институции ќе постапат во согласност со своите обврски и ќе ја заштитат јавната добросостојба, наместо – како што вели – да вршат притисок врз неа лично.