Арсовска: Политичарите наместо идеи нудат омраза за да создадат раздор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска: Политичарите наместо идеи нудат омраза за да создадат раздор

01 декември 2025

• од Станча Јаќимовски

Поранешната градоначалничка на Скопје, Данела Данела Арсовска, ги коментираше последните изјави на Зијадин Зијадин Села, лидер на едното крило на Алијанса за Албанците.

Арсовска обвини дека дел од политичарите во државата свесно поттикнуваат етнички тензии преку меѓусебни националистички напади, создавајќи раздор меѓу Македонците, Албанците, Турците, Ромите, Србите, Бошњаците и другите заедници.

„Ако нема леб, дај му на народот омраза“, рече таа, посочувајќи дека оваа формула се користи како начин за опстанок на политичката сцена кога недостасуваат идеи, визија и проекти за подобар живот. Според Арсовска, политичарите возвраќаат на ваквите напади не од реална загриженост за народот, туку за зголемување на својот рејтинг кај етничките групи. Таа смета дека поделбите се најлесен механизам за владеење кога отсуствуваат конкретни решенија и развојни програми.

Поранешната градоначалничка нагласи дека владејачката стратегија е преку кризи и дефокус јавноста да остане раздвоена, додека политичките структури „мирно крадат милиони и владеат“. Таа критикуваше дека во исто време на граѓаните им се зголемуваат цените на струјата, парното, водата, здравството и на самиот живот, без институциите да понудат одговор за подобар стандард.

Контроверзни пораки за османлиските пописи

Зијадин Села, гостувајќи во емисијата Кавга со Иван, изнесе ставови за историските пописи на Балканот за време на Отоманската империја. Тој тврдеше дека во последниот османлиски попис македонското население не било заведено како посебна етничка категорија.

Села говореше и за етничката структура на регионот, историските околности и албанскиот идентитет, повикувајќи се на административните регистри на Отоманската империја. Според неговото толкување, османлиската власт ја класифицирала популацијата главно според вероисповед, а не според денешните дефиниции за национален идентитет, со што отвори дебата за историските контексти и толкувањето на етничките идентитети.

Повик за свесност кај граѓаните

Арсовска оцени дека динамиката ќе стане интересна кога сите кои „чесно живеат и работат во Македонија“ ќе станат свесни дека политичарите – „од прв до последен – се исти, само ги менуваат местата“.

Нејзината порака беше апел до јавноста да не подлегнува на предизвиканите етнички поделби, туку да ја препознае позадината на ваквите политички реторики и нивниот ефект врз општествената кохезија и борбата против корупцијата.