Арсовска со бомба: „Деца урбани милионери“ граделе згради од петгодишна возраст

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска со бомба: „Деца урбани милионери“ граделе згради од петгодишна возраст

03 јули 2025

• од Станча Јаќимовски

Градоначалничката на Скопје, Данела Арсовска, преку објава на Фејсбук излезе со шокантни тврдења и објави список на малолетници, кои според неа, се водат како инвеститори на објекти во скопската општина Чаир уште од петгодишна возраст. Таа побара од надлежните институции итно да го потврдат или демантираат ова, предупредувајќи дека во спротивно ќе покрене групна тужба пред Европскиот суд за човекови права во Стразбур.

Арсовска истакна дека не може да пријави криминал што, како што вели, го направил поранешниот градоначалник на Чаир, Висар Ганиу, со фалсификување документи, а кој кулминирал оваа година на 20 март — во време кога целата држава беше во жалост поради трагедијата во Кочани.

„Најголемиот криминал сега лесно ќе се потврди, откако ќе се утврди потеклото на парите на овие таканаречени деца милионери, кои не можат да докажат како дошле до нив“, посочи Арсовска.

Според документите што таа тврди дека ги доставила до институциите, за сомнителни градби во Чаир се водат лица на возраст меѓу 5 и 16 години:

Бујар Аземи, кој наводно градел згради на 15 години
Бесим Аземи, кој градел на 11 години
Јасин Садики, кој започнал градба на само 5 години
Адис Беќаровски, исто така со градби на 5 години
Севда Лимани, која градела на 16 години

Арсовска побарала од надлежните да утврдат како овие деца, без лични карти и без деловна способност, воопшто можеле да потпишуваат документи и да добијат дозволи за градба.

„Како Висар Ганиу успеал да им легализира небезбедни згради со фалсификувани документи? Како биле дозволени објекти без испитана сеизмика, без проект, без архитектонски надзор, со цртежи што веројатно личеле на домашна задача по ликовно?“ — прашува Арсовска во својот статус.

Таа најави и групна тужба во Стразбур од страна на сите граѓани кои купиле станови во овие спорни објекти, барајќи да бидат обесштетени и да им се вратат вложените пари. Исто така побара најстроги казни за сите што дозволиле изградба на небезбедни и нелегални згради.

Досега, ниту премиерот, ниту Владата, ниту надлежните институции се немаат огласено по повод обвинувањата на Арсовска.