Арсовска жестоко до Елмази: „Дали си криминалец од ДУИ или од ВЛЕН?“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска жестоко до Елмази: „Дали си криминалец од ДУИ или од ВЛЕН?“

05 јуни 2025

• од Станча Јаќимовски

Градоначалничката на Скопје, Данела Арсовска, со жестока објава на социјалните мрежи директно го нападна Мухамед Елмази, поранешен советник во Советот на Град Скопје и актуелен директор на државната компанија НОМАГАС.

Арсовска го обвини Елмази за политички калкулации и учество во урбана мафија, поставувајќи му неколку директни и остри прашања:
„Дали си криминалец од ДУИ или од ВЛЕН?“, прашува таа во објавата.

Според градоначалничката, Елмази до септември 2024 година бил истакнат член на ДУИ, по што, како што вели Арсовска, „претрпе магична трансформација и стана ВЛЕН“, со цел да биде именуван како директор на НОМАГАС.

Арсовска тврди дека на последната седница на Советот на Градот побарала да се отвори дебата за нелегални градби во сите десет скопски општини, вклучувајќи ги и Чаир и Сарај, но дека иницијативата била блокирана од страна на коалициските партнери на Елмази.

„Иницијативата за дивоградбите од Сарај твоите коалициски партнери од ВМРО ја покренаа и сами си ја повлекоа“, потенцира Арсовска.

Во своето јавно обраќање, таа тврди дека има конкретни докази за урбан криминал:
„Од 150 дивоградби од Чаир кои ги имаме фатено и сме известиле во изминативе 3 години, знаеме во која имаш ГРАТИС стан и живееш во истиот.“

Арсовска најави и покренување на постапка пред Јавното обвинителство, упатувајќи директна закана:
„Империјата на твојата урбана мафија ќе ја срушам и воопшто не ми е гајле од која партија доаѓа!“

Овој директен напад од градоначалничката доаѓа во време на вжештена политичка атмосфера и ја отвора вратата за нова рунда обвинувања меѓу локалната власт и коалициските структури. Сè уште нема официјален одговор од Мухамед Елмази на обвинувањата.