Арсовска жестоко одговори на обвинувањата: „Јавноста веќе не верува во вашите лаги“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска жестоко одговори на обвинувањата: „Јавноста веќе не верува во вашите лаги“

29 мај 2025

• од Гоце Кически

Градоначалничката на Скопје, Данела Арсовска, денеска јавно реагираше на обвинувањата од страна на Изет Меџити, по повод најновите случувања околу незаконските градби во општина Чаир. Во објава на социјалните мрежи, Арсовска остро ги демантираше тврдењата дека нејзините активности се насочени кон дестабилизација на државата.

„Изет изјавил дека ќе сум ја дестабилизирала државата. Изет, единствена дестабилизација од мене ќе добиете ти и твојот измеќар Висар, кој ви ги потпишувал незаконските дивоградби за кои луѓето ви плаќале милиони евра, а сте ги лажеле дека ќе можат да ги легализираат“, напиша Арсовска.

Според неа, обвинувањата се обид за дефокусирање од вистинскиот проблем — сериозен урбанистички криминал за кој, како што тврди, постојат докази. Таа го обвини раководството на општина Чаир и политичките структури блиски до ВМРО-ДПМНЕ и ВЛЕН дека кога ќе бидат фатени во криминал, секогаш настапуваат со реторика за наводна дестабилизација на државата.

„Како тоа секогаш кога некој ќе ви чепне во криминалот, тоа е ‘обид за дестабилизација’? Единствено нешто што ќе се дестабилизира од откривањето на криминалот со дивоградбите во Чаир е вашата комоција и прилив на нелегални пари“, истакна таа.

Градоначалничката побара од надлежните институции да ги истражат сите случаи поврзани со нелегалните градби и ги повика политичарите „да не се глупираат“ и да одговорат пред јавноста за тоа колку пари биле земени за тие објекти.

Овој јавен судир доаѓа во момент кога се засилуваат истражувањата за урбанистичко планирање во Скопје, особено во чувствителни општини како Чаир, каде што градежниот хаос е тема на долгорочна загриженост.