Јавното обвинителство ја прифати жалбата на Бошњачката заедница против Стоилковиќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Јавното обвинителство ја прифати жалбата на Бошњачката заедница против Стоилковиќ

16 октомври 2025

• од Станча Јаќимовски

Вишото јавно обвинителство донесе одлука со која ја прифати жалбата на Лигата на демократски Бошњаци (ЛДБ) и на Бошњачкиот национален совет (БНС) во Република Северна Македонија против решението на Основното јавно обвинителство – Скопје од 19 мај 2025 година.

ЛДБ и БНС, застапувани од адвокатката Едина Зекировиќ Фазлагиќ од Скопје, на 19 април 2024 година поднеле кривична пријава против Иван Стоилковиќ, претседател на Демократската партија на Србите во Македонија и актуелен заменик-претседател на Владата задолжен за односи меѓу заедниците и министер без ресор.

Причината за пријавата е јавна објава на Стоилковиќ на социјалната мрежа „Фејсбук“, во која за геноцидот во Сребреница напишал дека бил „некрофилски Дизниленд“.

Според ЛДБ и БНС, со оваа изјава Стоилковиќ го извршил кривичното дело „Одобрување или оправдување на геноцид, злосторства против човештвото или воени злосторства“ според член 407-а во врска со член 403 од Кривичниот законик.

Сепак, Основното јавно обвинителство ја отфрли пријавата, оценувајќи дека употребата на изразот „некрофилски Дизниленд“ претставува слобода на изразување во политички контекст. Без да даде доволно образложение, делото го преквалификува како „Ширење расистички и ксенофобични материјали преку компјутерски системи“ (член 394-г, став 1 од Кривичниот законик) и заклучи дека за такво дело не се води постапка по службена должност.

Незадоволни од ваквата одлука, ЛДБ и БНС поднесоа жалба до Вишото јавно обвинителство. По разгледување на жалбата, обвинителството ја прифати пријавата и го поништи решението за отфрлање на кривичната пријава, со задолжение Основното јавно обвинителство да ја продолжи постапката.

Од ЛДБ во своето соопштение нагласуваат дека оваа одлука претставува значаен чекор во потрагата по правда за жртвите на геноцидот во Сребреница – злосторство што е признаено и потврдено од Меѓународниот суд на правдата, и кое претставува најголем злостор против човештвото во поновата европска историја.

„Оваа одлука носи надеж кај граѓаните дека правдата ќе биде постигната и дека со утврдувањето на одговорноста на обвинетиот ќе се испрати порака дека негирањето и исмејувањето на геноцидот во Сребреница, како и на секое друго злосторство против човештвото, претставува говор на омраза и нема да остане неказнето,“ се наведува во соопштението на ЛДБ.