Балабанов: Мицкоски нека заборави на ЕУ без Бугари во устав

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Балабанов: Мицкоски нека заборави на ЕУ без Бугари во устав

30 мај 2025

• од Станча Јаќимовски

Потпретседателот на пратеничката група на бугарската партија Има таков народ (ИТН), Станислав Балабанов, остро го осуди однесувањето на премиерот на Република Северна Македонија, Христијан Мицкоски, кој повторно се изјасни против впишувањето на бугарското малцинство во македонскиот устав пред почетокот на преговорите за членство во Европската Унија.

„Ако Мицкоски мисли дека може да ги внесе Бугарите во Уставот на крајот од процесот, жестоко се лаже – тоа не само што мора да се случи, туку мора да се исполнат и сите обврски поврзани со говорот на омраза и односот кон Бугарите во Северна Македонија“, изјави Балабанов од бугарското собрание.

Тој беше категоричен: „Г-дин Мицкоски, ако продолжите со ова арогантно однесување, заборавете на Европската Унија. Нема ни да ја помирисате ЕУ!“

Балабанов ја поздрави одлуката на бугарското Собрание да го задолжи Министерскиот совет, премиерот и министерот за надворешни работи строго да го следат процесот на евроинтеграција на Северна Македонија. Целта е да не се дозволи никакво отстапување од бугарската државна позиција и да се бара целосно исполнување на Договорот за добрососедство и другите поврзани обврски.

„Ова е еден од ретките добри денови во парламентот – со оваа одлука, ние ја зацврстуваме нашата позиција и праќаме силен сигнал до Скопје дека ништо нема да се случи без почитување на договореното“, нагласи Балабанов. Според него, без строго придржување до договорите, Северна Македонија не треба ни да сонува за членство во ЕУ.

Тој предупреди дека има обиди од страна на македонските власти да ја заобиколат официјалната бугарска позиција преку лобирање во Европскиот парламент. „Имаме информации дека Скопје се обидува задкулисно преку европратеници да изврши притисок и да го заобиколи ставот на Софија. Затоа беше важно што ИТН успеа да го обедини целиот парламент околу оваа прашање“, додаде тој.

Балабанов потенцираше дека овој чекор на бугарското Собрание е и јасен сигнал до европските партнери. „Оваа одлука е порака до сите европратеници – да бидат единствени, да ја почитуваат и штитат позицијата на бугарскиот парламент и на Бугарија“, заврши тој.

Во однос на еврозоната, Балабанов изјави дека Бугарија ги исполнува сите критериуми за влез. „Нашата позиција е јасна. Гледајте што се случува со инфлацијата во другите држави. Проблемите во Хрватска беа привремени и предизвикани од геополитички фактори. Влезот во еврозоната ќе ја стабилизира инфлацијата и ќе ги зголеми приходите. Ние сме сè уште во валутен борд, што ја гарантира стабилноста“, објасни тој.