Белата чума ја пустоши Македонија: Драстичен пад на ученици и зголемено иселување во Охрид

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Белата чума ја пустоши Македонија: Драстичен пад на ученици и зголемено иселување во Охрид

25 јули 2025

• од Станча Јаќимовски

С. Македонија се соочува со алармантна демографска криза. Белата чума — термин што го симболизира опаѓањето на наталитетот и иселувањето — продолжува немилосрдно да ја коси државата. На удар е и туристичкиот бисер Охрид, каде што бројот на ученици драматично се намалува, а училиштата се соочуваат со сè помалку нови генерации.

Во охридската гимназија, која некогаш беше преполна со ученици и паралелки со по 33 до 35 ученици, денес ситуацијата е сосема поинаква. Од септември, во секое прво одделение ќе има по само 20 ученици, а наместо досегашните осум паралелки, ќе бидат оформени само шест.

Локалната самоуправа уверува дека и покрај намалениот број ученици, ниту еден наставник нема да остане без работа. Општината вложува напори да ја задржи младината во родниот град, преку доделување стипендии и финансиска поддршка за учениците.

Сепак, бројките се поразителни. Минатата година во Охрид се родени само 399 живородени бебиња, што е за 28 помалку отколку во 2023 година, и за 15 помалку во споредба со 2022 година. Паралелно, иселувањето бележи раст — во последните три години Охрид го напуштиле 1.164 жители.

Овој тренд не е ограничен само на еден град. На национално ниво, иселувањето продолжува да се зголемува од година во година. Податоците од последниот попис покажуваат драматичен пад на работоспособното население — од 2002 до 2021 година, тој број се намалил за 171.317 луѓе, односно за 12,4%. Истовремено, бројот на лица над 65 години се зголемил за 17,2%, што претставува раст од над 100.000 пензионери.

Овие податоци укажуваат на сериозна демографска криза која бара итни мерки и долгорочни стратегии. Ако трендовите продолжат со исто темпо, иднината на Македонија ќе биде сериозно доведена во прашање.