Бензините и дизелот поскапеа: Ова се новите цени
Од ноќеска на полноќ стапуваат на сила новите повисоки цени на горивата, соопшти Регулаторната комисија за енергетика (РКЕ). Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на дизелот ЕУРОДИЗЕЛ (Д-Е V), се зголемени за 2 денари по литар. Цената на екстра лесното масло за домаќинство (ЕЛ-1) е зголемена за 1,5 денари по литар, додека мазутот М-1 НС поскапува за 0,375 денари по килограм.
Според новиот ценовник, ЕУРОСУПЕР БС-95 ќе се продава по 73,50 денари за литар, ЕУРОСУПЕР БС-98 по 75,50 денари за литар, а ЕУРОДИЗЕЛ БС (Д-Е V) по 66,00 денари за литар. Цената на екстра лесното масло за домаќинство (ЕЛ-1) ќе изнесува 65,50 денари за литар. Мазутот М-1 НС ќе се продава по 37,155 денари за килограм.
Од РКЕ нагласуваат дека овие се максималните дозволени цени на нафтените деривати кои важат од 00:01 часот на 23 април 2025 година. Трговците на големо и мало имаат можност да ги формираат своите продажни цени пониски од утврдените максимални вредности.