Без дозвола се сечела шума за изградба на хидроцентрали на Дошница

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Без дозвола се сечела шума за изградба на хидроцентрали на Дошница

14 август 2025

• од Станча Јаќимовски

Државниот инспекторат за животна средина (ДИЖС) утврдил дека за изградба на двете мали хидроелектрани на реката Дошница, која извира од планината Кожуф, се вршела сеча на шума без потребните дозволи. Вонредниот инспекциски надзор покажал дека активностите не се совпаѓаат со одобрениот елаборат за животна средина.

Сечење без согласност од надлежните институции

Според увидот во документацијата, Министерството за животна средина и просторно планирање (МЖСПП) не издало дозвола или согласност за сечење на дрвната маса од коритото и брегот на реката. Во решението на инспекторатот е наложено веднаш да се достави дозвола или мислење од МЖСПП и забрането е понатамошно сечење на шумата на катастарската парцела 793 во КО Радња – Кавадарци сè до добивањето на таков документ.

Технички неправилности во проектот

Освен незаконското сечење, инспекторот забележал и техничка неусогласеност. Кај хидроелектраната „Баров Дол“ било предвидено зафатената вода да се води по левиот брег на Дошница, наместо по десниот брег како што било наведено во градежната дозвола и инфраструктурниот проект.

Продолжуваат протестите на еко-активистите

Веќе 45 дена еко-активисти и граѓански иницијативи од целата земја протестираат за запирање на изградбата на двете хидроцентрали. Вчера беше објавено дека дел од градежната механизација е повлечена од терен. Од иницијативата Changemakers4all соопштија дека фирмата која изнајмуваше машини за изградбата се повлекла, што го оценија како победа на граѓанскиот отпор.

„Ова е доказ дека народниот отпор е посилен од секој профит... Сега гледаме право во очи на ЈЕС ДООЕЛ – Хидро Дошница: Повлечете се, или народот ќе ве повлече!“, порачаа активистите, нагласувајќи дека борбата за спас на реката продолжува.